Funnu Munitariu Ntirnazziunali

Lu Funnu Munitàriu 'Ntirnazziunali (Macari canusciutu cu l'acronimu angrisi IMF, di "International Monetary Fund") eni n'urganismu 'ntirnazziunali ccu 185 paisi mèmbri.
L'uffici dirizziunali s'attrovanu a Washington, D.C., Stati Uniti dâ Merica.

Urìggini

'Nta l'anni trenta di lu sèculu passatu nu munzieddu di paisi ci appinu prubblemi icunomici.
Quarchidunu di stu prubblemi jerunu, ppa isempiu, lu canciamentu di stili di vita (in pieggiu) e lu passaggiu a nu statu di disuccupazzioni di nu munzieddu di pirsuni ca travagghiavanu.
Lu cummerciu 'ntra li nazzioni addiminuiu assai.
Certi nazzioni appiru a svalutari li propri sanareddi.
Tutti sti fatturi cumminati câ diprissioni pruducierru na diprissioni icunomica a livellu glubbali.
Nta la fini di lu 1939, forsi macàri ppi sti mutivazzioni, accuminzau a Sicunna Verra Munniali.

Duoppu ca a Sicunna Verra Munniali finìu, li cuvierni e l'upinioni pubbrica s'addunau ca lu valuri 'ntirnazziunali nun erunu umuggenii e avièunu assai ristrizzioni.
I classi diriggènti allura si prioccuparru di sti cosi e accuminzarru a discurri riuniennusi.
Ppi stu mutivu li nazzioni di lu munnu sintièrru c'avièunu bisognu d'avìri n'urganizzazzioni ppi ajutari finanziaramenti li paisi c'avienu prubblemi 'ntra iddi.
P'accuminzari li rapprisintannti di 29 nazzioni firmarru n'accordu ca si ciamàva "Articuli d'Associazzioni di lu Funnu 'Ntirnazziunali Munitariu" (in lingua angrisi "Articles of Association of the International Monetary Fund"). Lu Funnu Munitariu 'Ntirnazziunali nascìu 'nta lu dicèmmiri 1945.

Auturi

Ogni nazziuni ppò addummannari d'addivintari nu mèmbru di st'urganizzazzioni. Quannu na nazzioni addummanna di fàrini parti a Giunta Isicutìva sti sturìa a littira ca ci spirièrru.
Se a cosa si pò fari a Giunta Isicutiva scrivi na rilazzioni a l'Ufficiu di li Guvirnaturi di lu Funnu Munitariu ca, duoppu avirici misu a firma, fà tràsiri a nazzioni nta lu gruppu.
In ogni casu, prima di fàrini parti, a nazzioni avissi aviri certi riquisìti ligàli. Ogni mèmbru avi du dirittu di votu diffirenti comu puri ca ogni paisi avi nu diffirenti dirittu a aviri aiuti icunomici.
Chissu addipenni di diffirenti fatturi comu, ppa isempiu, quannu a statu timpuralmenti prisintata a dumànna di participazzioni.