Fratturi dâ crozza di Le Fort

Frattura di Le Fort
	Fratturi di LeFort I (russu), II (blè) e III (virdi)
Classificazzioni e risursi di fora (EN)
ICD-9-CM	Template:ICD9
ICD-10	S02.4
eMedicine	391129
Epònimi
	René Le Fort
	Modifica dati su Wikidata · Manuale

Sta pàggina è scritta sicutannu i règuli dû Ducumentu pi l'Ortugrafìa dû Sicilianu dâ Cademia Siciliana.

Template:Disclaimer

I fratturi dâ crozza di Le Fort sunnu fratturi dû massicciu facciali. A frattura di Le Fort si chiama accussì pû chirurgu francisi René Le Fort (1869-1951), che nni parrau ô principiu dû vintèsimu sèculu.^[1]

Diàgnusi

Ricustruzzioni di TC 3D chi ammustra na frattura di Le Fort I (signalijata di na fileccia)

A diàgnusi veni fatta dû sciami ubbittivu, câ cunferma data di nu sciami TC assiali dâ testa e dû coḍḍu. Pi èssiri classificati comu Le Fort, i fratturi ànnu a pigghiari i prucessi ptiriguidei dû sfinòidi. Chisti sunnu visìbbili d'arrè ê seni masciḍḍari nta na TC assiali, e sutta ô bordu urbitali 'n prujizzioni curunali. Cchiù assai, di sòlitu u palataru si movi nnô sciami ubbittivu.

Classificazzioni

Cci sunnu tri tipi di fratturi di Le Fort:

Frattura di Le Fort I

Frattura di Le Fort I, ditta macari vascia o urizzuntali, po mmàttiri di na forza chi va ammeri u vasciu ncapu u bordu arviulari dâ masciḍḍa. È canusciuta macari comu frattura di Guérin, o palataru fluttuanti, e di sòlitu pigghia a parti vascia dâ raputa pirifurmi. A frattura parti dû settu nasali ê bordi di latu dâ raputa pirifurmi, va urizzuntali supra all'àpici dî denti, passa sutta a sutura zigumàtica-masciḍḍari e attraversa a sutura sfeno-masciḍḍari nzinu a rùmpiri i prucessi ptiriguidei dû sfinòidi.

Frattura di Le Fort II

Frattura di Le Fort II, ditta macari minzana o piramidali, po mmàttiri d'un trauma â masciḍḍa minzana o di sutta, e di sòlitu parti dû bordu di sutta di l'òrbita. Sta frattura àvi a furma di na piràmidi, e parti dâ ràdica dû nasu, a liveḍḍu o n'anticchia sutta â sutura nasu-fruntali, attraversa i prucessi fruntali di l'ossu masciḍḍari, va a latu e ammeri u vasciu ntra l'ossa lacrimali e u pavimentu di l'òrbita, spunta arrè attraversu o a ciancu dû furami nfraurbitariu e sutta attraversu a pareti antiriuri dû sinu masciḍḍari; doppu va sutta ô zìgumu, ntra a fissura pterigumasciḍḍari pi finiri ncapu î prucessi ptiriguidei dû sfinòidi.

Frattura di Le Fort III

Frattura di Le Fort III, ditta macari auta, trasvirsali o macari distaccu crozzu-facciali, pigghia di sòlitu l'arcu zigumàticu. Po mmàttiri doppu nu mpattu ncapu â ràdica dû nasu o nnâ parti di supra di l'ossu masciḍḍari. Sta frattura principìa nnâ sutura frontu-masciḍḍari e chiḍḍa nasu-fruntali, si stenni d'arrè appressu a pariti midiali di l'òrbita ntra u surcu nasulacrimali e l'etmòidi. U spissuri dû sfinòidi d'arrè di sòlitu allasca a frattura di cuntinuari nnô canali òtticu. A frattura allura cuntinua nnô pavimentu di l'òrbita, appressu a fissura urbitaria di sutta e cuntinua supra e latirali nnâ pariti latirali di l'òrbita, ntra â sutura zigumàticu-fruntali e l'arcu zigumàticu. Dintra ô nasu, un ramu dâ frattura passa ntra a lamina pirpinniculari di l'etmòidi, attravirsannu u vòmiri e ammeri i prucessi ptiriguidei â basi dû sfinòidi. Stu tipu di frattura causa spissu rinurrìa di lìquitu cèribbruspinali rispettu all'autri dui tipi.

Signi e Sìntumi

Le Fort I - vunciamentu leggiu dû labbru di supra, ecchìmusi prisenti nnô fòrnici di supra, sutta all'archi zigumàtici, malocclusioni, mubbilità dintaria. I fratturi chi mmàttinu doppu nu mpattu ponnu siri quasi mmòbbili, e si po' sèntiri u clàssicu scrusciu sulu facennu forza ncapu î denti di l'arcata di supra. A pircussioni dî denti di l'arcata di supra fa sèntiri nu scrusciu chiamatu a pignata fissa. È prisenti u signu di Guérin, zzuè ecchìmusi nnâ riggiuni dî vasi majuri dû palataru.
'n cumuni ntra Le Fort II e Le Fort III - èdima dî tissuti moḍḍi nnô terzu minzanu dâ facci, ecchìmusi bilatirali ntornu all'òrbiti, emurraggìa bilatirali suttacungiuntivali, epistassi, rinurrìa di lìquitu cèribbruspinali, diplupìa, enuftarmu, sonu a pignata fissa.
Le Fort II - scaluni nnô bordu nfraurbitariu, parti minzana dâ facci mòbbili, anistisìa o paristisìa dâ guancia pû dammaggiu dû nerbu nfraurbitariu.
Le Fort III - muḍḍizza e spartuta dâ sutura zigumàticu-fruntali, allungamentu dâ facci, diprissiuni dî liveḍḍi oculari, enuftarmu, mpussibbilità di tèniri i parpeḍḍi raputi, farsìu dû chianu occlusali.