Franciscu I dî Dui Sicili

Dâ Wikipedia, la nciclupidìa lìbbira.
Jump to navigation Jump to search
Franciscu I dî Dui Sicili.

Franciscu I dî Dui Sicili (Franciscu Ginnaru Giuseppi Savèriu Giuvanni Battista; Nàpuli, 14 di austu 1777 – Nàpuli, 8 di nuvèmmiru 1830) , fu Re dî Dui Sicili dô 1825 nzinu a quannu murìu ntô 1830.

Era lu primu figghiu màsculu di Firdinannu I di Burboni e di Maria Carulina d'Àustria, figghia di Maria Tiresa d'Asburgu.

Ntô 1796 Franciscu si maritau a sò cucina l'arciduchissa d'Àustria Maria Climentina, figghia di lu mpiraturi Leupordu II; quannu idda murìu, ntô 1801, lu prìncipi si maritau n'àutra vota câ cucina Maria Isabella di Burboni, figghia dû re Carlu IV di Spagna.

Ntô 1806, doppu ca li Burbona si n'àppiru a fujiri di Nàpuli ntâ Sicilia pâ nvasioni dê franzisi e Lord William Bentinck, cumannanti dê truppi ngrisi, avìa pubbricatu la custituzzione e avìa livatu a Firdinandu IV li soi puteri, Franciscu vinni addichiratu riggenti (1812).

Câ cascata di Napuliuni, sò patri potti turnari a Nàpuli e rivucari la custituzzioni e l'autunumìa siciliana, mittennu nzemi li dui regni ntô novu Regnu dî Dui Sicili e pigghiànnusi lu nomu di Firdinannu I dî Dui Sicili (1816); Franciscu pigghiau lu tìtulu di duca di Calàbbria e appoi ntô 1825, quannu murìu sò patri Firdinandu, addivintau iddu re dû "regnu dî Dui Sicili".
Murìu ntô 1830 e acchianau ô tronu lu granni dê sò figghi, ca pigghiau lu nomu di Firdinannu II dî Dui Sicili


Pricidutu di:
Firdinannu I dî Dui Sicili
Re dî Dui Sicili Succidutu di:
Firdinannu II dî Dui Sicili


Mappa storica Storia dâ Sicilia Tempi di Selinunti
pristoria | èbbica finicia | èbbica greca | èbbica rumana | èbbica vànnala | èbbica gòtica | èbbica bizzantina | èbbica àrabba | èbbica nurmanna | èbbica sveva
èbbica angiuina | èbbica aragunisa | èbbica spagnola | èbbica piemuntisa | èbbica burbònica | èbbica cuntimpurània