Favara (RG)
La Favara è na surgenti ca s'attrova ntô tirritoriu di Spaccafurnu. Lu ciumi omònimu a cui duna urìggini havi na purtata di circa 16 litra ô secunnu, ma n passatu agghicava a cchiossai di 100 litra ô secunnu, e alimenta ntô vernu nu lacu salmastru, chiamatu Gorgu salatu e appoi si jetta â fuci di Santa Maria dû Fucaddu. La cuntrada dâ Favara, ca si cumponi di campagni fertili, pigghia lu nomu appuntu di sta surgenti.
Storia
[cancia | cancia la surgenti]Documenti antichi tistimoniuanu la sò prisenza, e n particulari unu di Vitu Amicu. Secunnu la tradizzioni, parissi ca puru San Paulu passau dâ Favara. Nzinu all'anni '80, dû XX sèculu, la Favara era usata comu funti apprizzata dê spaccafurnari pi pigghiari e jinchiri biduna di acqua di viviri.
Rifirenzi
[cancia | cancia la surgenti]- Vito Amico, Dizionario topografico della Sicilia, 1855