Faraj ben Salim
Faraj ben Sālim (n arabbu فرج بن سالم) (n ebraicu פרג' בן סלים), puru canusciutu comu Ferrautu di Girgenti, Moses Farachi di Dirgent[1] (Ferrarius, Franchinus, Ferragut) fu nu dutturi, tradutturi ebbreu-sicilianu ca vissi ntâ secunna mitati dû XIII sèculu.
Vinni ngaggiatu di Carlu I di Nàpuli comu tradutturi di opiri di midicina àrabbi. Cu la sò attivitati rinnìu nu survizzu granni â canuscenza dâ midicina. Traducìu versu lu 1279 la nciclupidìa medica di Rhazes, Kitāb al-hāwī fī tibb (pubbricata ntô 1486, sutta lu titulu di Continens Liber, cu nu glossaiu dâ traduzzioni).
Noti
[cancia | cancia la surgenti]- ↑ "Dirgent" è prubabbirmenti na corruzzioni di l'anticu nomu àrabbu (Karkint e Gergent) pi Girgenti.