Enceladu
| Corpu Cilesti | Lista dî corpi cilesti |
|---|---|
 Enceladu vistu dâ sonda Voyager | |
| Dati di l'assirvazzioni | |
| Tipu: | Satèlliti naturali di Saturnu |
| Scuperta: | 28 di austu 1789 |
| Di: | William Herschel |
| Pirìudu orbitali: | 32h 53m 07s |
| Vilucitati orbitali: | 0,079 m/s2 |
| Massa: | 8,6x1019 kg |
| Dinzitati: | 1,3 g/cm3 |
| Magnitùdini apparenti: | Diamitru mediu di 498,8 km |
| Etati stimata: | cchiù di 100 miliuna d'anni |
Enceladu (pi grecu: Εγκέλαδος) è nu satèlliti naturali di Saturnu scupertu lu 28 di austu 1789 di l'astrònumu William Herschel. È lu sestu satèlliti naturali di Saturnu p'òrdini di grannizza. Finu ô passaggiu dî sondi Voyager, ô partiri di l'anni 1980, li carattirìstichi di stu corpu cilesti foru picca canusciuti, a parti l'indentificazzioni di ghiacciu d'acqua supra la superfici. Li sondi n'ammustraru ca stu satèlliti havi nu diàmitru di suli 500 chilòmitri e rifletti quasi lu 10% dû lustru sulari. La Voyager 1 pirmittìu lu scupriri ca Enceladu òrbita nnâ riggiuni cchiù denza di l'aneddu di Saturnu mentri Voyager 2 rivilau chi nunustanti la sò grannizza nica lu satèlliti prisenta vari riggiuna chi vàrianu di superfici antichi c'assai crateri di mpattu a ricenti zoni datati circa 100 miliuna d'anni.
Lu 9 di marzu 2005 fu fotografatu di la sonda Cassini-Huygens di na distanza di 500 chilòmitri. Geyser di acqua liquida foru scuperti ntê vicinanzi dû sô polu sud.
Nomu
[cancia | cancia la surgenti]Enceladu è chiamatu comu l'Enceladu dâ mituluggìa greca. Veni disignatu macari Saturno II o II S Enceladu. Lu nomu «Enceladu», e li noma di tutti li setti satèlliti di Saturnu canusciuti tanu, foru suggiriti dû figghiu di William Herschel, John Herschel, nnâ sò pubbricazzioni dû 1847 supra li risurtati di l'assirvazzioni astronòmichi fatti a Capu di Bona Spiranza. Fu scigghiutu stu nomu picchì nnâ mituluggìa antica Saturnu, nutata macari comu Cronus, fu lu capu dî Titani.
Li carattirìstichi di Enceladu hannu arricivutu lu nomu dâ IAU 'n basa ê pirsunaggi e li lòcura dû libbru Li Milli e una Notti[1]. Li crateri di mpattu vennu chiamati 'n basa ê pirsunnaggi, mentri l'aùtri strutturi pìgghianu lu nomu dî lòcura. Arricèviru ufficialmenti lu nomu dâ IAU 57 carattirìstichi, ntra cui 22 doppu li voli dî sondi Voyager e 35 ntô nuvèmmiru 2006 doppu li tri voli dâ sonda Cassini ntô 2005[2].
Assirvazzioni
[cancia | cancia la surgenti]Enceladu vinni scupertu di Fredrick William Herschel lu 28 di austu 1789, cu l'usu dû sò novu cannucchiali di 1,2 m, lu cchiù granni dû munnu di ddu tempu[3][4].
Herschel assirvau pâ prima vota stu satèlliti ntô 1787, ma nun lu ricanuscìu cû sò cannucchiali nicu di 16,5 cm di apirtura[5]. La magnitùdini dèbbuli (circa +11,7) e la sò vicinanza ô spirlucenti Saturnu e ê soi aneddi, rinneru disfìcili l'assirvazzioni di Enceladu dâ Terra e appi bisognu di nu cannucchiali cu na apirtura di 15-30 cm, a secunna ê cunnizzioni attimusfèrichi e dâ nquinamentu luminusu dâ zona d'assirvazzioni. Comu tanti satèlliti di Saturnu scuperti prima di l'èbbica spazziali, vinni assirvatu pâ prima vota quannu l'aneddi di Saturnu foru pusizziunati "di tagghiu" rispettu â Terra, o sia quannu lu nostru pianeta è dintra lu chianu di l'aneddi duranti l'equinozziu dû giacanti gassusu. Nta sti pirìudi la luminusità di l'aneddi veni riduciuta e facìlita l'assirvazzioni di Enceladu.
Prima dû prugramma Voyager, cc'era nuddu vantaggiu assirvari lu satèlliti rispettu ô puntu luminusu vistu di Herschel e fu pussìbbili stimari sulu li carattirìstichi orbitali, la massa, la dinzitati e l'albedu.
Rifirimenti
[cancia | cancia la surgenti]- ↑ Blue, J.; (2006) Categories for Naming Planetary Features. Accessed November 16, 2006.
- ↑ Blue, J.; (2006); New Names for Enceladus, 13 di nuvèmmiru 2006. Accessed November 16, 2006.
- ↑ Herschel, W. (1795) Description of a Forty-feet Reflecting Telescope, Philosophical Transactions of the Royal Society of London, Vol. 85, pp. 347–409 (reported by M. Arago (1871), Herschel, Annual Report of the Board of Regents of the Smithsonian Institution, pp. 198–223)
- ↑ Frommert, H.; and Kronberg, C.; William Herschel (1738–1822). Accessed May 29, 2006
- ↑ Soylent Communications, William Herschel. Accessed May 29, 2006
Lijami di fora
[cancia | cancia la surgenti]Nfurmazzioni ginirali
[cancia | cancia la surgenti]- La pàggina dâ NASA c'annunza la scuperta di l'attimusfera supra Enceladu
- Pàggina spiciali di "The Planetary Society".
- Profilo di Encelado della NASA's Solar System Exploration
- Pàggina supra Enceladu
- The Nine Planets: Encelado
- The Planetary Society: Nfurmazzioni di Enceladu
- CHARM: Cassini-Huygens Analysis and Results from the Mission page
- Pàggina di Enceladu dâ missioni Cassini.
Mmàggini
[cancia | cancia la surgenti]- Mmàggini dâ sonda Cassini di Enceladu
- Catalogu dâ NASA di mmàggini di Enceladu
- Mmàggini e mosaichi di Enceladu
- Mappi creati di mmàggini di Enceladu dî sondi Voyager e Cassini
Pianeti: Mircuriu - Vèniri - Terra - Marti - Giovi - Saturnu - Uranu - Nettunu |
| Pianeta nani: Cèriri - Plutoni - Eris |
| Àutri: Lu Suli - La Luna - Astiròidi - cumeti - cintura di Kuiper - nubbi di Oort |
