E=mc²

L'equazzioni dâ fìsica tiòrica E = mc² ni dici c'asisti nu rapportu tra energìa (E), pi qualunchi forma, sarvu la massa, e la massa (m). St'equazzioni s'attrova nta na forma equivalenti pi la prima vota nta n'artìculu di Albert Einstein dû 1905.

Significanza di st'equazzioni

St'equazzioni pruponi ca quannu nu corpu s'arresta pûn puntu di rifirimentu particulari, ancura riteni energìa nta la forma dâ massa, ô cuntrariu dû sistema di Newton ntô quali nun havi energìa. Pi chissu la massa veni chiamata spissu l'energìa d'abbentu dû corpu. La «E» di l'equazzioni si vidi comu l'energìa tutali dûn corpu, chi è prupurziunato câ massa sulu quannu lu corpu havi vilocitati zeru.

Pi l'àutra manu, nu gruppu di protoni viaggiannu ntô spazziu vacanti, cu ogni protoni mancannu la massa d'abbentu, ancura nn'havi massa, «m», pû fattu di l'energìa cinètica.

Ntô cuntestu dâ tiurìa dâ rilatività spiciali, significa ca energìa e massa sunnu aguali, e ca, ora, la massa veni cunziddirata comu na forma d'energìa. 'N tèrmini pràtichi, significava la pruduzzioni dâ bumma atòmica e àutri applicazzioni. È una d'equazzioni cchiù canuscìbbili di tuttu tempu. Puru chiddi chi sannu nenti dâ scienza facirmenti sannu nanticchia di st'equazzioni.

E=mc² s'applica a tutti l'oggetti di massa, picchì dici ca la massa è dirivata d'energìa, o energìa dâ massa, e è pussìbbili scanciàricci tra iddi stissi.

Ma unu havi a nutari ca, ntâ fìsica muderna, la massa è assuluta e l'energìa è rilativa. Dunca, ticnicamenti, la massa nun è energìa, e l'energìa nun è massa. L'equazzioni dici simpricimenti comu la massa si pò addivintari l'energìa.

Usannu massa rilativìstica

P'uttèniri l'equazzioni E = mc², avemu âccuminzari cu E² = p²c² + m²c⁴ facennu p = 0, chi significa c'avemu a fari v = 0. Chissu significa ca ora avemu nu casu spiciali unni l'oggettu nun si sta muvennu, e unni E² è sulu parraggiu cu m²c⁴, o E = mc². Ê sulu nta stu casu spiciali ca E = mc² funziona. Cu nàutra vilucitati, cci avemu a rimèttiri arreri p²c² nta l'equazzioni ginirali.

Siddu ora cci mittemu v = 0 $m=\gamma m_{0}={\frac {m_{0}}{\sqrt {1-v^{2}/c^{2}}}}$ pigghiamu m = $m_{0}$ . Dunca, quannu fermu, zzoè a v = 0, la massa d'abbentu e massa rilativìstica sunnu aguali, e l'equazzioni E = mc² si pò riscrìviri comu E = $m_{0}c^{2}$ : cc'è nudda diffirenza, sarvu forsi c'avemu a diri ca $m_{0}$ è pi v = 0.

Allura, usannu la massa rilativìstica, l'equazzioni $E=mc^{2}$ ntô tìtulu s'havi a riscrìviri comu E = $m_{0}c^{2}$ è nun veni applicata a l'oggetti muvennu a qualunchi vilucitati, sulu a na vilucitati di zeru, picchì lu $m_{0}$ ccà è sulu pi v = 0, e a v = 0, m = $m_{0}$ .

Usannu massa d'abbentu

Massa rilativìstica nun veni usata assai dî fìsici muderni, chi ùsanu «m» pi significari la massa d'abbentu quantu ca E = mc² è l'energìa d'abbentu (zzoè, l'energìa di l'oggettu quannu si è firmatu) di l'oggettu. Nta stu casu l'equazzioni sulu s'applica a oggetti firmati; la forma muderna pi l'equazzioni pûn oggettu cu qualunchi vilucitati è