Ducciu Belgiornu
Ducciu Belgiornu (o Duccio Belgiorno n talianu) fu diritturi dû museu cìvicu di Muòrica finu ô 2001, annu di la sò morti. Belgiornu fu puru nu ricircaturi di mùsica pupulari. Ntô 1972 cô pueta Carmelu Assenza e assemi ô maistru Giuvanni Bergamascu, Cecilia Pitinu, Marcellu Brunu e Enzu Alfanu, resi vita a lu gruppu forcrorìsticu Contea di Modica. Hà riggistratu canzuna dê vicchiareddi ca si tròvanu ntâ cassetta Canti Popolari della Contea di Modica accura dâ copirativa Etnos (1993) e ntô ciddì Cava Ispica (1991). Ntô 1988 cu la figghia Manuela e Ginu Carbonaru di Rausa hà rializzatu l'elleppì La Contea di Modica (stu discu ntô 2004 fu digitalizzatu ntô ciddì).
Mèdia:Specciu ri l'uocci miei.ogg