Diudoru Siculu
Diodoru Siculu (Διόδωρος, Diódōros) fu nu stòricu grecu siciliota ca nascìu a Agyrion, oggi Agira in pruvincia di Enna.
San Girulamu scrivi ca Diodoru ciurìu ntô 49 a.C. e sta data pari cunfirmata dî stissi palori di Diodoru. Lu cchiù anticu trattu autobiogràficu chi iddu ammintau ntâ sò opira è lu sò viaggiu in Eggittu duranti la 180a Olimpiadi (fra lu 60 a.C. e lu 56 a.C.). A ssa vota iddu ni duna tistimoni dâ raggia dî genti chi vuleru la pena di morti pûn cittadinu rumanu p'aviri ammazzatu pi casu nu jattu, armali sacru di l'Eggizzi.
L'òpira
[cancia | cancia u còdici]Diodoru stissu ni nforma d'aviri didicatu trent'anni dâ sò vita â pruduzzioni dâ sò Biblioteca, duranti li quali fici tanti viaggi in Europa e in Asia utili ê soi ricerchi.
Diodoru ni prisenta la sò òpira, la Bibliotheca historica, comu na storia univirsali di l'uriggini dû munnu ê campagni di Giuliu Cesari 'n Gallia e 'n Britannia. Era cumposta di 40 libbra, spartuti succissivamenti pi dicini. L'òpira nun si sarbàu sana.
Lu grecu di Diodoro è chiddu dâ koiné, zzoè lu grecu sìculu.
Rifirimenti
[cancia | cancia u còdici]Na traduzzioni accurzata dûn articulu di it.wiki.
Liami esterni
[cancia | cancia u còdici]- Charles Smith (ed.), Dictionary of Greek and Roman Biography and Mythology (1867);
- Oskar Seyffert, Dictionary of Classical Antiquities (1894);
- Charles Anthon, Manual of Classical Literature (1853);
- Progetto Perseus (testu grecu e traduzzioni ngrisi dî libbra 9-17).
.JPG){kind=small}