Discussioni:Usu dâ «G» davanti â «R»

Dâ Wikipedia, la nciclupidìa lìbbira.
Jump to navigation Jump to search

Cumprimenti pi prima pi stu travagghiu. Sugnu cuntenti ca tutti li modi di parrari vennu rapprisintati, midemma siddu nun esti chiddu usatu di Wikipedia.

Poi, scusati ma m'intressa na citazzioni pi l'affirmazzioni siquenti: "Nta arcuni àrii di la Sicilia, la «GR» nizziali veni prununzata simpricimenti «R», ma nta la maiuri parti di la Sicilia la «G» arresta davanti a la «R»...". Pi prima servi la citazzioni, ma poi abbisogna midemma capiri siddu parra o di lu scriviri o di lu parrari.

Siddu l'affirmazzioni esti basata sulitu supra lu fattu ca «GR» s'ascia chiui spissu ntra la scrittura, avimu a cumprenniri ca putissi trattari di latinisimi o italianisimi. Pinzaticci accussi, tanti scrittura scrivissiru "nun veni" midemma siddu sapimu tutti ca si dici "num-meni". Nun esti veru? La scrittura nun esti sempri iustu.

Sta assenzia di «G», ammettu, mi praci e vulissi cunziddirari lu so usu. Pi chissu nni vogghiu essiri sicuru sicuru.

N'autra cosa, diciti ca "Nuddu di li nostri rifirimenti leva la «G» davanti a la «R»." Ma ntra Piccitto nun s'ascianu furmi cu «R» sula? Cci sunnu cu «R» sula, sugnu sicuru picchi l'aiu vistu. Mi lu canciati pi favuri, ca pi lu mancu s'ascianu ntra Piccitto. Ammirzi,

Micheli 07:19, 25 Austu 2007 (UTC)

  • Ciau Michè - ju canusciu sta forma senza «G» bonu bonu picchì macari oi la mè famigghia la usa. Forsi hai raciuni ca nun è na cosa bona ca cci mustramu Piccittu comu nu rifirimenti, picchì ovviamenti iddu n'ammustra tanti formi parrati. Dunca si cci trova la palora «rranni», chi veni usata pi dui o tri banni (e ca la me famigghia usa ancura), ma certamenti, Piccittu n'ammustra «granni» comu la forma cchiù pan-siciliana. Cridu ca putemu diri ca «ranni» (e autri palori di stu gèniri) si tràttanu di na variazzioni assai lucali, e la forma scritta avissi a èssiri cu la «G». Salutamu! πίππύ δ'Ω∑ - (waarom? jus'b'coz!) 12:58, 26 Austu 2007 (UTC)
  • Ciau a tutti dui, tutti sapemu ca la diffusioni di "granni" ("grandem" ntô latinu) è cchiù mpurtanti di chidda di "ranni" (o "rranni") nta lu parrari e macari ntô scrìviri. Forsi li furmi "ranni" o "rranni" sunnu chiddi cchiù sicilianizzanti, ma "granni" (ca forsi asisti ancora a càusa dâ nfruenza spagnola antica forti cu "grande" o a càusa dâ prisenza attuali dâ lingua taliana cu "grande") è la furma siciliana cchiù diffusa allura l'usamu pi scrìviri artìculi nta st'enciclopidìa. Salutamu! --Sarvaturi 11:09, 27 Austu 2007 (UTC)