Discussioni:Tavuledda dî prifissi custanti

Dâ Wikipedia, la nciclupidìa lìbbira.
Jump to navigation Jump to search

Canciati Prupošti[cancia la surgenti]

La prima cosa di n'anchia lišta: ánthropos > ántropo [antropoluggia].

Lu nostru amatu Pitrè n'ammizza ca šti dui 'o' atonichi nun vannu ntra lu sicilianu:

"o si stracancia špissu ntra u: compati > cumpatiri; computare > cuntari; continuus > cuntinuu; fortunatus > furtunatu; momentum > mumentu; portare > purtari; possidere > pussidiri; tormentare > turmintari." Tiuria di li Soni

Chištu cumprisu, la palora ánthropos mai facissi ántropo ntra lu sicilianu, impussibbili.

Tannu, eu prupognu piccontra la palora "ántrupu", ca pi sicuru ešti la furma curretta. E chišta, inzemmula a "luggia" ni dassi antrupuluggia.

La canciata prupošta:


anthropologhia > antrupuluggia (o megghiu antrupuluia; -loghia > -luia)

Ma zoccu nni diciti?

Micheli 05:45, 25 Austu 2007 (UTC)


  • Ehi Micheli. Sugnu d'accordu ca sti dui "o" nun accintati sunnu na cosa picca currenti ntô sicilianu. Tu dici ca lu prifissu ánthropos nun facissi mai ántropo ntra lu sicilianu strittu, e ju diciu ca forsi mancu asisti. Tu dici ca la furma sicilianizzanti ántrupu è chidda curretta, e ju ti diciu ca purtroppu nun haiu attruvatu nuddu rifirimentu ca porta lu prifissu àntropo o àntrupu ntô sicilianu, e dunca forsi s'avissi a tradùciri cu na furma siciliana longa: scienza ca studia li cristiani comu fà Sarvaturi Camilleri ca pi la palora taliana biologia porta la furma siciliana longa scienza di la vita (ma porta puru la furma taliana biologia). Pi la palora taliana archeologia, iddu porta li furmi taliani antiquaria e archeologia;, e pi la palora taliana misantropia iddu porta la furma siciliana longa sintimentu di odiu contra l'òmini. Ma ovviamenti nun putemu scrìviri sulu furmi siciliani longhi ntâ pàggina principali allura s'havi a accurzari n'anticchia, e dunca usamu la furma luggìa pi logia (scienza) e lu prifissu nternazziunali standardizzatu ca la maiuranza dî lingui ùsanu (p'asempiu "bio", "antropo", "eco", "psico", ecc.). Chista è la manera cchiù lòggica e cchiù sìmprici di risòrviri lu prubbrema dî prifissi ntô sicilianu. Pi la palora taliana economia canuscemu armenu quattru formi usati ntô sicilianu: ecunumìa, canumìa, econumìa, economìa. La forma cchiù megghia (pi n'enciclopidìa scritta 'n sicilianu) è prubbabbirmenti chidda "econumìa". Salutamu! --Sarvaturi 10:32, 27 Austu 2007 (UTC)