Discussioni:Klaipeda

Klaipeda

Klaipeda fu funnata ntô seculu dudicesimu di li tribù baltichi. P’assai tempu appartinni a Prussia di l’est e a ssu tempu si chiamava Memel.

Sta cità nta sta baia baltica fu funnata di li cavaleri tiutonici ntô 1252 ed è riggistrata comu Castrum Memele (germanisi Memelburg, e puru Mimmelburg). Nto 1254 Klaipeda appi cuncessi i diritti di cità cu nomu di Lübeck. Lu territoriu fu cunvirtutu a la cristianità di li cavaleri tiutonici. La paci di Melno ntô 1422 misi li cunfini tra li pruvinci di la Prussia e la Lituania. Memel fu nclusa nta Prussia e lu cunfini arristò lu stissu nzinu a lu 1919. Fu unu di li cunfini di l’Europa chi durò senza canciamentu pi tantu tantu tempu..

Accuminciannu ntô 1574 Memel fu cuvirnata di la liggi Culm di li cità c’appartinevanu a li tirritori prussiani. Ntô 1525 lu ducatu di Memel, sutta Albertu di Prussia (Albrecht von Brandenburg-Ansbach-Prussia), adottò lu Luteranisimu. Chistu fu lu principiu di un tempu longu di pruspirità pi la cità e lu portu, mentri ca u ducatu di Prussia era un fiu pulaccu e poi parti di la ripubblica Pulacca-Lituania. Sta cità di cunfini sirviu comu portu a la vicina Lituania, avennuni beninfici sennu misa a lu sboccu di lu ciumi Neman. La fini di lu tempu prospiru vinni quannu tra lu 1629 e lu 1635 Mel fu assartata, danniggiata e accupata di li svidisi. Sta cità fu ricustruiuta tanti voti e 75 anni doppu un gran numaru di genti mureru a Memel a causa di la pesti. Cu la criazzioni di la Girmania unita ntô 1871 Memel addivintò na cità girmanisi nto puntu cchiù estemu di lu nord-est.

Nta lu 1919 Klaipeda fu misa sutta lu prutitturatu di li Stati di l’Intesa. Doppu lu trattatu di Versailles, lu tirritoriu attornu a Memel fu spartutu di la Girmania e un cuvernu autonomu fu misu sutta l’accupazzioni francisi. Però, l’esercitu di la Lituania sutta lu cumannu di lu culunnellu Budrys l’assartò nto 1923 e l’esecitu francisi si ritirò. Memel si la pigghiò lu Terzu Reich nta lu 22 di Marzu, 1939, doppu l’accupazzioni di l’Austria, Sudeti e a Cecoslovacchia.

Duranti la secunna Guerra mundiali, accuminciannu cu la fini di lu 1944 e nzinu a lu 1945, la pupulazzioni scappò mentri si cummatteva. La cità fu catturata di l’Armata Russa nto innaru di lu 1945 e la ristitueru a la Repubblica Suvietica di la Lituania.

Un gran numaru di l’abbitanti fôru mannati ntâ Siberia e lu restu di la pupulazzioni fôru mannati ntâ Girmania