Discussioni:Jaròfulu
Ciau Pippu, criju c'avìssimu a fusiunari st'artìculu cu chiddu Galòfaru. Chi nni penzi?Salutamu. --Sarvaturi 13:10, 21 Dicèmmiru 2006 (UTC)
- Sì, forsi hai raciuni. Di prima pinzai ca era megghiu aviri li dui artìculi - ma facirmenti mi trovu sbagghiatu... πίππύ δ'Ω∑ - (waarom? jus'b'coz!) 23:07, 21 Dicèmmiru 2006 (UTC)
Ciau Pippu, grazzi pâ tò risposta, siddu hai nu mutivu bonu pi lassari tutt'i dui artìculi, mi lu poi dìciri, e sugnu d'accordiu pi lassari asìstiri li dui artìculi. Ma siddu nun nn'hai nu mutivu, ju pruponu di fusiunàrilli. Nun haiu prifirenza pi unu o pi l'àutru. Salutamu. --Sarvaturi 00:58, 22 Dicèmmiru 2006 (UTC)
- Sulu stavu pinzannu ca avennu truvatu sta puisìa, mi dava nu mutivu p'usari n'aùtra forma di sta palora (chi ovviamenti nn'havi assai formi! e oramai sapemu ca puru chidda principali nun è canusciuta pi tutta la Sicilia). Ma ti pozzu diri viramenti ca puru ju nun sugnu sicuru siddu si tratta d'un mutivu bonu. E poi pinzànnunni anticchia, criju ca nun fa nenti mintiri la puisìa ntra l'aùtra vuci, picchi dicemu già ca «jaròfulu» è n'aùtra forma (nnâ ntroduzzioni). Pi cunchiùdiri - nun haiu n'idia cuncreta! Supratuttu, vulissi sapiri siddu putemu diri dinfinitivamenti ca nun cc'è mai bisognu di criari dui vuci chi cchiù o menu pàrranu dâ stissa cosa. Speru ca mi spiegu bonu. Pi dari n'asempiu chi mi veni pi testa: putemu aviri na vuci chiamata Girgenti, significa ca nun putemu aviri na vuci chiamata Akragas, chi pò parrari sclusivamenti dâ citati antica? Ju nu staiu dicennu sì p'una o l'aùtra, ma mi pari c'avemu a dicìdiri sta quistioni giniralmenti prima di dicìdiri siddu putemu aviri dui vuci chiamati Galòfaru e Jaròfulu. Ma puru quannu arrivamu a stu puntu, unu pò diri ca scrivennu di Girgenti e Akragas si tratta di na quistioni diffirenti di chidda di Galòfaru e Jaròfulu. Significa ca st'ùrtimi dui si tràttanu di n'idia accussì sìmili, chi hannu a èssiri la stissa vuci pi forza. Nfatti, quasi ju cci staiu pi crìdiri propiu d'accussì. πίππύ δ'Ω∑ - (waarom? jus'b'coz!) 02:58, 22 Dicèmmiru 2006 (UTC)
Accumenza na discussioni supra Jaròfulu
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Jaròfulu.
