Dei primordiali

Dâ Wikipedia, la nciclupidìa lìbbira.
Jump to navigation Jump to search
Mitologia.jpg
MITULUGGÌA GRECA
DEI
EROI
CRIATURI FANTÀSTICHI

Ntâ mituluggìa greca li dei primordiali, o miti di l'urìggini o miti dâ criazzioni, rapprisèntanu li primi fijuri usati pi spiecari lu munnu e la sò criazzioni. La virsioni tradizzionarmenti cchiù accittata dâ criazzioni dû munnu è chidda chi s'attrova ntâ Teogonia di Esiodu. Tuttu accuminza cû Caos, nu nenti senza nudda urganizzazzioni. Di stu nenti cumparìu Gea cu na pocu di àutri divinità primordiali: Eros, l'Abissu e l'Erebu.
Gea, senza l'aiutu di divinità màsculi giniràu Uranu, chi na vota chi nascìu la ficundau.
Di st'unioni nasceru li Titani, sei màsculi e sei fìmmini:

  • Oceanu,
  • Ceu,
  • Criu,
  • Iperioni,
  • Giapetu,
  • Teia,
  • Rea,
  • Temi,
  • Mnemosine,
  • Febi,
  • Teti, e
  • Cronu.

Appoi nasceru li monòculi Ciclopi (Bronti, Stiropi e Argi) e li Ecatonchiri cu centu mahu.