Cui ama Diu campa filici
Cui ama Diu campa filici è nu pruverbiu di la tradizzioni linguìstica siciliana. Lu significatu di la sintenzia è: nun ti maciddiari lu senziu ppi li cosi tirreni, picchì cchiossai n'hai e cchiossai ni voi, mìntiti ntî li manu di Diu ca sulu ddà è la filicitati.
Di taliari la rassumigghianza ccu n'àutru pruverbiu di la tradizzioni siciliana ca dici: Cui fida in Diu nun peri mai.
Citazzioni
[cancia | cancia la surgenti]Lu pruverbiu è citatu e spigatu ntî la Raccolta di proverbj siciliani ridutti in canzuni di l'abbati Santu Rapisarda.
| « All'omu ntra stu munnu sempri piaci d'acquistari ricchizzi, onuri, amici; e si nn'acquista, comu arpìa vuraci, pri cchiù acquistarni, sempri siziu dici: ma cchiù s'impegna a circari la paci, menu la trova, e sempri è un infilici, pirchì a stu munnu lu beni è fallaci, e sulu cu ama Diu campa filici. » | |
( Raccolta di proverbj siciliani ridutti in canzuni )
|
Vuci cunzigghiati
[cancia | cancia la surgenti]- Pruverbi siciliani, nu veru granni alencu di pruverbi di la Sicilia.