Catridali di Palermu

Â Basilica Cattedrale Metropolitana Primaziale della Santa Vergine Maria Assunta, canusciuta simplicementi comu duomu o matrici o Cattidrali di Palermu, è û principali luogu di cultu cattolicu dâ citàdi di Palermu e sidi arcivescuvili dill'arcidiocesi metropolitana.^[1]^[2]^[3] Assemi ad autri edifici limitrofi custituisci un polu riliggiusu ubbicatu 'ntô mandamentu Munti di Pietà o Seralcadi o Capu. L'aggrigatu munumentali ricadi 'ntâ l'arcidiocesi di Palermu sutta û patruciniu dâ 'Mmaculata Cuncizzioni e San Mamilianu, primu vicariatu di Palermu sutta û patruciniu di Santa Rusalia, arcipretura di Palermu 'ppû centru storicu, giurisdizzioni parrocchiali dâ chiesa dâ Santa Vergine Maria Assunta.

Dô 3 giugnettu 2015 fa parti dû Patrimoniu dill'umanità 'ntâ l'ambitu dû situ seriali Palermu arabu - nurmanna e î cattidrali di Cifalù e Murriali.

L'insigni munumentu è 'na sìntisi dâ storia dill'arti e d'architittura di l'ùrtimu millenniu 'ppû fattu ca s'unìscinu tanti stili. Ogni vota ca fu rinnuvata, fu agghiunciutu 'nu novu stili, unu supra l'ùrtimu. Oltri all'arabu - normannu, bizantinu, si vìdinu tracci dû gòticu sicilianu, dû gòticu catalanu, rinascimentali, dû baroccu sicilianu e puru n'anticchia dû neoclàssicu. Camilleri cci discrivi 'stu assemblaggiu quasi caòticu comu nu puema architittònicu.

Cultu dill'Assunta e di Santa Rusalia

Santa Vergine Maria Assunta 'n Cielo

Â cattidrali è un nobbili tempiu didicatu â Santa Vergine Maria Assunta 'n Cielo.^[4] Â patruna principali dâ citàdi è Santa Rusalia, a cui è didicata â cappeḍḍa riali - sinatoria 'ntô latu miridiunali, ubbicata 'ntâ l'absidi minuri dû transettu destru, 'ntâ quali s'attrova â prizziusa e munumentali urna d'argentu chi custudisci û corpu dâ santa. L'arca riliquiaria dâ patruna, rializzata tra û 1631 e û 1637, è 'nu straurdinariu capulavoru dill'arti dicurativa, massima 'sprissioni dû baroccu sicilianu, raffinatissimu e superbu travagghiu d'arginteri palermitani e munumentu prucissiunali senza pricidenti, puttatu in divota prucissioni ogni annu 'ppî strati dâ citàdi û 15 giugnettu. 'Mportantissimu è û cultu chi Palermu e â Sicilia tribbutanu â Vergine Maria, vinnirazzioni chi trova fundamentu 'ntô rapportu epistulari tra l'ambasceria dû Sinatu Missinisi e Maria, Matri di Diu e Matri dâ Chiesa, secundu û dogma Theotókos furmulatu 'ntô Cunciliu di Èfesu e riaffirmatu da principii dû Cunciliu di Nicea I. Lijami raffurzatu dall'opira evangelizzatrici dill'Apostuli, San Petru e San Paulu, 'ntê rispettivi passaggi 'n terra sicula. In tutti l'accezzioni â Vergine Maria è patruna dî principali citàdi dill'isula, patruna primaria dill'Arcidiocesi e dâ Citàdi di Palermu (û patrunatu dâ 'Mmaculata è supra di tutti i patrunati dî santi, di cui Palermu n'avi 'na longa lista 'ccû a capu, appuntu, Santa Rusalia).

Santa Rusalia

...

Storia

Custruiuta duranti lu regnu dû re nurmannu, Gugghiermu II di Sicilia (1153-1189), dittu lu bonu, versu la fini dû sèculu XII, vinni accabbata ntô 1185, quattru anni prima dâ sò morti. Nta stu locu d'orìggini cc'era na basìlica cristiana antica funnata di San Grigoriu Magnu e poi adatta a muschea dî saracini. Vinni pruggitata di l'Arcivìscuvu Gaultieru Offamil (o Walter of the Mill, d'orìggini anglu-nurmannu).

Architettura

Havi na furma rittàngulu e è sustinuta di quattru turri di l'èbbica nurmanna, suprastata di na cùbbula. Ô sud veni unuta ô palazzu arciviscuvìli cu dui granni arcati acuti supra cui spunta la turri campanaria. Dintra vinni cunzirbatu anticchia dû pirìudu nurmannu. Nutèvuli, ntrâ sagratu, li quattru stàtui dî Santi, lu pòrticu miridiunali dû sèculu XV e lu purtali di Antoniu Gambara.

Ntâ navata dritta si ponnu assirvari li balati magnìfichi dî suvrani nurmanni e svevi, di Ruggeru II di Sicilia, sò figghia Custanza di Sicilia, sò maritu Arricu VI e lu figghiu di Custanza e Arricu, Fidiricu II, mpiraturi e stupor mundi.

Di facci â Catidrali dû latu miridiunali, s'allàrica na bedda chiazza câ stàtua di Santa Rusalìa, Patruna di Palermu.

Rifirimenti

Sarvaturi Camilleri (1998) Vocabolario Italiano Siciliano, Edizioni Greco, Catania.

Mmàggini

Facciata
Facciata miridiunali
Turri
Cùbbuli nichi
Àbbissidi
Àbbissidi
Àbbissidi
Àbbissidi
Navata
Sepulcru di Fidiricu II ntrâ Catidrali

Autri progetti

Wikibooks contiene testi o manuali sulla disposizione fonica dell'organo della cattedrale
Wikimedia Commons contiene immagini o altri file sulla cattedrale di Palermo

Noti

↑ Paggina 97 e segg., Abate Francesco Sacco, "Dizionario geografico del Regno di Sicilia", Template:Webarchive, Palermo, Reale Stamperia, 1800
↑ Vincenzo Mortillaro, op. cit., p. 49 .
↑ Tommaso Fazello, op. cit., p. 463 .
↑ Gaspare Palermo Volume quarto, op. cit., p. 234 .

Bibliugrafìa

.
.
.
.
.
.
Giovanni Maria Amato, De Principe Templo Panormitano, Palermo, 1728.
Francesco Danieli, I regali sepolcri del Duomo di Palermo riconosciuti ed illustrati, Napoli, 1784.
Rosario La Duca, Bibliografia di Rosario La Duca in: La Cattedrale di Palermo studi per l'ottavo centenario dalla Fondazione. Palermo, Sellerio Editore, 1993.
.
Alessandro Casano, Del Sotterraneo della chiesa cattedrale di Palermo, Stamperia della Ved. Solli e C., Palermo 1849
.

[1] Paggina 97 e segg., Abate Francesco Sacco, "Dizionario geografico del Regno di Sicilia", Template:Webarchive, Palermo, Reale Stamperia, 1800

[Vincenzo_Mortillaro-49-2] Vincenzo Mortillaro, op. cit., p. 49 .

[3] Tommaso Fazello, op. cit., p. 463 .

[ReferenceA-4] Gaspare Palermo Volume quarto, op. cit., p. 234 .

[1]

[2]

[3]

[4]