Cassata

Dâ Wikipedia, la nciclupidìa lìbbira.
Na cassata dâ zona di Palermu

La cassata siciliana o simplicimenti cassata (di l'àrabu qas'at, "vacili") è na torta tradizziunali siciliana a basi di ricotta zuccurata, pani di Spagna, pasta riali, frutta candita e glassa di zùccaru. Puru siddu la ricetta pari semplici, esìstunu tanti varianti lucali. Spiciarmenti l'aspettu di fora pò canciari di na pòvira dicurazzioni di glassa e na scorza di rancia nzinu a na ricca custruzzioni baroccheggianti cu pirlini culurati e na sina di frutti canditi diffirenti.

Sempri secunnu li varianti lucali, ci ponnu èssiri ngredienti aggiuntivi, comu pistacchiu, pinoli, ciucculatti, cannedda, maraschinu o acqua di zàgara. I SICILIANI SU I MEGGHIO