Camargue
La Camargue è la zona ùmida a miridiuni di Arles, n Francia miridiunali, ntra lu Mari Meditirraniu e li dui vrazzi dû delta dû Ròdanu. Lu vrazzu orientali si chiama Ròdanu Granni (ntô francisi: Grand Rhône) e chiddu occidintali Ròdanu Nicu (ntô francisi: Petit Rhône). L'amministrazzioni dû tirritoriu è dû dipartimentu dî Bocchi dû Ròdanu, ca si pigghia lu nomu pròpriu di chista zona. N'estinsiuni di l'ària, la Camargue Nica (ntô francisi: Petite Camargue), sùbbutu a punenti dû Ròdanu Nicu, s'attrova ntô dipartimentu dû Gard.
Giografìa
[cancia | cancia la surgenti]Cu n'ària di sparti 930 chmq la Camargue è lu delta fluviali cchiù granni di l'Europa occidintali (ticnicamenti è macari n'ìsula, essennu cumplitamenti atturniatu d'acqua). E' na vasta chianura cu vasti laguni (étangs) d'acqua salata divisi dû mari cu banchi di rrina e atturniata di paludi arricupunuti di canneti, macari idde atturniati di granni àrî curtivati. Circa un terzu dâ Camargue è furmata di laghi o paludi. L'ària cintrali ntunnu â costa di l'Étang de Vaccarès è prutiggiutu comu Parcu Riggiunali dû 1927, pû fattu di èssiri un paradisu pi l'aceddi sirvàtici. Lu Parcu Riggiunali dâ Camargue fu poi criatu ntô 1970.
Flora e Fàuna
[cancia | cancia la surgenti]La Camargue è la dimora di cchiù di 400 spècî di aceddi, chî stagni d'acqua salata ca dùnanu unu dî rari habitat europei pû finicòttiru rosa. Li stagni sunnu macari favurèvuli â vita dî nsetti, ntra cui arcuni dî cchiù firoci zappagghiuni di tutta la Francia.
La flora dâ Camargue è adattata a coesìstiri cu cunnizzioni di acqua salata; ci fiurìscunu quinni la lavanda di mari e la salicornia sparti ê tamerici e li canneti.
Parcu Riggiunali
[cancia | cancia la surgenti]Ufficialmenti istituitu comu parcu nazziunali e riserva naturali ntô 1972, lu Parcu Riggiunali dâ Camargue arricupuni 820 chmq e ccà si ponnu attruvari arcuni di l'armali sirvàtici maggiurmenti prutiggiuti di tutta l'Europa. Cc'è macari un museu chi ajuta a cumprènniri flora, fàuna e stùria di l'ària.
Culligamentu esternu
[cancia | cancia la surgenti]
Rifirimenti: La Camargue in italiano