Calabbria Ultiriuri
La Calabbria Ultiriuri (o Calabbria greca) era ntô Mediuevu la zona ca currispunni cchiù o menu a la "Calabbria centru-miridiunali". St'ària cumprinnìa la pruvincia di Riggiu Calabbria, la pruvincia di Vibbu Valenzia, la pruvincia di Catanzaru e la parti miridiunali dâ pruvincia di Crutoni, e dunca la citati di Crutoni facìa parti dâ Calabbria Ultiriuri ca cunfinava a Nord cu la Calabbria Citiriuri.
Linguìstica
[cancia | cancia la surgenti]Li parrati calabbrisi centru-miridiunali zoè chiddi parrati ntâ Calabbria Ultiriuri assimìgghianu a lu sicilianu e si diffirènzianu assai dî parrati calabbrisi dâ zona "Citiriuri".
Assenza dû passatu pròssimu
[cancia | cancia la surgenti]Nta li parrati calabbrisi dâ zona "Ultiriuri", lu passatu pròssimu è quasi scanusciutu ntâ cuniugazzioni dî verbi e s'usa nveci lu passatu rimotu .
Asempi:
- Pigghiai.
- Ivi.
Mentri ntâ zona "Citiriuri" s'usa sistimaticamenti lu passatu pròssimu ("haju pigliatu" e "signu jutu").
Assenza dû nfinitu doppu li verbi mudali
[cancia | cancia la surgenti]Ntê parrati calabbrisi dâ Calabbria Ultiriuri ginirarmenti nun s'usa lu nfinitu doppu li verbi mudali.
Asempi:
Ntô dialettu riggitanu si dici: Vògghiu mi mángiu. (littirarmenti "vogghiu ca manciu" ma ca si traduci "vogghiu manciari")
Ntô dialettu vibbunisi si dici: Vorrìa chi fussi. (littirarmenti "ju vulissi ca ju fussi" ma ca si traduci "ju vulissi èssiri")
Ma ntô dialettu catanzarisi si dici: Vògghiu màngiara. ("vogghiu manciari") o vuogliu mangiare (costa tirrenica).
Usu dû lèssicu d'urìggini greca antica
[cancia | cancia la surgenti]Ntê dialetti calabbrisi centru-miridiunali s'ùsanu supratuttu li palori ca vèninu dû grecu anticu (mentri ntê dialetti calabbrisi sittintriunali s'ùsanu ginirarmenti li palori calabbrisi d'urìggini latina antica).
| Calabbrisi miridiunali | Grecu | Talianu |
|---|---|---|
| agrofàcu | βάτραχος (vátrakhos) | ranocchio |
| zinnapòtamu | ενυδρίδα + ποταμος (potamos) | lontra |
| bampurìddha / lampurìdda / vampurìddha | λαμπο (lampein) | lucciola |
Calabbria Riggitana e Calabbria Brezzia
[cancia | cancia la surgenti]La Calabbria Ultiriuri era dividuta 'n dui pruvinci:
- la Calabbria Ultiriuri Prima (o Calabbria Riggitana): distritti di Riggiu, Jeraci e Parmi
- la Calabbria Ultiriuri Secunna (o Calabbria Brezzia): distritti di Catanzaru, Muntalauni (Vibbu), Nicastru (Lamezzia Termi) e Cutroni (oi Crutoni).
Lijami di dintra
[cancia | cancia la surgenti]
|
Purtali di la Calabbria – Jiti a l'artìculi di Wikipedia supra la Calabbria. |