Buffa

La buffa cumuni (Bufo bufo), chiamata macari rospu, buffa o botta, è n'anfibbiu dû gèniri Bufo. St'armaluzzu ci havi un corpu tozzu e appiattitu, na peddi di culuri variàbbili tra lu brunu e lu virdi alivastru, cuperta di ghiànnuli ca sicèrninu na sustanza lattigginusa irritanti pi li mucusi. È sìmili a la giurana, ma è cchiù tozzu e ci havi la peddi di culuri spissu cchiù brunizzu. Lu rospu prisenta abbitùdini nutturni e campa ntâ acqua sulu ntô pirìudu di l’accuppiamentu, tra frivaru e marzu, pi dipòniri l'ova. St'armali è lu cchiù granni nta l'Europa, e pò ragghiùnciri li diminzioni di 20 cintìmitri senza li gammi.