Briscula n cincu

Dâ Wikipedia, la nciclupidìa lìbbira.
Jump to navigation Jump to search

La briscula n cincu è nu jocu di carti. Esistunu dui varianti dû jocu.

Li reguli[cancia | cancia la surgenti]

Si spartunu li 40 carti (siciliani o napulitani), tra li cincu jucatura.

Varianti a punti[cancia | cancia la surgenti]

Nti la varianti a punti, li jucatura hannu a chiamari partennu di armenu 60. A turnu nu jucaturi po aumintari lu punti di chiamata o passari. Chiddu ca agghica a chiamari lu nummuru di punti cchiù àutu chiama allura la briscula, dichiarannu na carta (pi esempiu lu tri di coppi). Allura l'autra pirsuna chi avi la carta è lu cumpagnu dû dichiaranti e nsemmula hannu a jucari contra l'autri tri. Li du' cumpagni pi vinciri hannu a fari armenu lu nùmmuru di punti dichiaratu.

Varianti a fijura[cancia | cancia la surgenti]

Nti la varianti a fijura, li jucaturi hannu a chiamari na fijura, scinnennu di l'assu, lu tri, lu re, lu cavaddu, la donna, lu setti, lu sei, lu cincu, lu quattru e lu dui. A turnu nu jucaturi po chiamari na fijura, scinnennu rispettu â fijura ggià chiamata, o passari. Quannu l'urtima pirsuna a scinniri resta sula, ca l'autri passaru, allura chiama la fijura chi dichiarau e la briscula (pi esempiu lu re di spadi). La pirsuna chi avi la fijura chiamata è lu cumpagnu dû dichiaranti e nsemmula hannu a jucari contra l'autri tri, e vinciunu siddu agghicunu a fari armenu 61.

Carattiristichi dû jocu[cancia | cancia la surgenti]

A partiri dû mumentu n cui la carta fu chiamata, li rèuli sunnu li stissi dâ briscula classica. A ogni turnu pigghia chiddu ca vinci secunnu li reguli dâ briscula. La pirsuna chi havi la carta dichiarata è la sula pirsuna chi sapi di siri lu cumpagnu dû dichiaranti, armenu nzinu a quannu nun si manfiesta chiaramenti cu azzioni di jocu (pi esempiu dunannu assai punti a na pigghiata dâ pirsuna dichiaranti.