BriganTony

BriganTony, nomu d'arti di Antonino Caponnetto (Catania, 24 di aprili 1948 – 22 di giugnettu 2022), fu nu cantanti sicilianu di mùsica pupulari.

Ntô 1976 havi pubbricatu lu sò primu arbum, A bella vita, siquìtu di na cinquantina di disca pubbricati. La sò mùsica è pupulari: la maiuri parti dî sò canzuni sunnu di l'adattamenti 'n sicilianu di canzuni famusi (cover), comu p'asempiu Stuppai na Fanta (abbasata supra lu cèlibbri branu The final countdown dî Europe) e Iaffiu u cuttu, ca ricarca I feel good di James Brown.

Nta chistu havi statu lu primu 'n Sicilia e dicini d'àutri autura, nta l'anni, l'hannu siquitu. Lu sò gèniri spazzia dâ cràssica tarantella siciliana ò rock e ô pop.

Biografìa

Nasciutu ntô quarteri Cibali ri Catania, ^[1] ntô 1948, a 28 anni emigrau o Belgiu, unni accuminciau a travagghiari comu muraturi. ^[2] Cu quarchi risparmiu arriniscìu a riggistrari u sò primu discu, A bella vita, pubblicatu all'iniziu co tìtulu A zita pilusa (littiralmenti "La zita pilusa"), poi canciatu ntâ edizzioni di l'annu succissivu. ^[3] ^[4] A sò mùsica va dâ tarantella siciliana ( Tarantella erotica, Tarantella cumannata ecc.) ô rock ( Nannu rock, U vinu sicilianu, Mi stuppai na Fanta, ecc.), do boogie-woogie ô swing, ô dance di l'anni '80 e '90 ('Semu fuiuti' ecc.), do rap ' Opa'cche bellu 'u cinima), ô pop, ô latinu-amiricanu, nzinu ô blues . ^[5]

Anni uttanta

Dopu u primu niscenu l'album Divertimento in folk (1980), Brigan Tony si scatena!!Accumincia a fari canzuni ri àutri gèniri, suprattuttu u rock'n'roll, ché testi chini di duppi sensi e di crìtichi a vita suciali, tutti trattati nta na manera liggera, ca fa arririri. Oltri a sti canzuni cci su macari canzuni cchiù seri comu Carusidda Siciliana, Amuri Miu, Bedda e America. Cu l'album Brigan Tony e la sua Sicilia (1985) esploràu àutri gèniri mentri cuntinuàu a prudùrri sceni còmici. Duranti la secunna mità di l'anni uttanta pubblicau àutri quattru dischi: Vamos a pilus (1985), A ciolla (1987), 'Cò bullu (1988) e 'U sucu do pollu (1989), cu àutri dischi di sceni comici.

Tra i canzuni di stu pirìudu ci su A sucalora, Semu fuiuti frischi, Osvaldo, Kala Bula, U cannolu e i cover Mi stuppai na Fanta (parudìa di The Final Countdown di Europe ), Iaffiu 'u cuttu (I Feel Good di James Brown) e Si futtenu a mé vespa (Ammazzanu a l'omu ragnu di 883).C'è macari Mi piaci a mia to soru, ca fu prisintata ô Festival di Sanremu, ma a rifiutanu ê silizzioni.

Nta l'anni nuvanta pubblicau àutri dischi comu Cò filter (1990), Love ( 1990 ) e D.O.( 1991 ) unni, secunnu a tradizzioni, alterna i pezzi musicali cu sceni parrati.

Ntô 1992 pubblicau Bastardes unni esploràu novi stili comu u latinu-amiricanu, la danza e u rap ca èrunu di moda allura; cca canzuna Rap pidoscia ammiscau Non m'annoio e Il Capo della Banda di Jovanotti cu Get on up di James Brown; Isa Ancora Casay ca arripigghia Please don't go ; la fòrmula cuntina ntê succissivi album comu Super Brigantony Man (1992) e Ppà vannu cu ce' ce' (1993).

Nti l'album Micio Tempio 2000 (1992) e Micio Tempio 2000 vol. 2 (1993) rintirprita i puisìi di Duminicu Tempiu, pueta catanisi ca campau tra u Setticentu e l'Ottucentu. I dischetti succissivi su cchìni di cover, suprattuttu di canzuna ca àppunu granni successu a d'anni, e di sceni ricitati.

Sempri ntâ l'anni nuvanta, u prugramma tilivisivu Mai dire TV arripigghiau na sò esibizzioni dâ canzuna A zita pilusa pâ riti lucali Antenna Sud.

Ntô 1998 pubblicau The bestia, unni cummina canzuni non pubblicati comu u medley Manuela / Pensami / Se mi lasci non vale (cover di canzuna di Julio Iglesias ) cu riarrangiamenti di vecchi successi, comu A Sausizza e Na Vota ni Lavaumu nta Pila . Duranti la prumuzzioni di stu discu tunnau a ribalta cu diversi cumparsi tilivisivi a Insieme trasmissi di Antenna Sicilia / Teletna .

Anni 2000 (dumila)

Ntê primi anni 2000 u gruppu de Brigantini arrangiau accuni de sò canzuni pi falli cchìù mudenni ^[5] ^[6] e, grazzi â pubblicazzioni di accuni album, stu gruppu urigginariu di Paternò, cuntribbuìu a fari canusciri lu Brigantony macari tra i carusi ^[7] ^[8] ; Brigantony arreggistrerà macari accuni cori nzemi a stu gruppu nta l'album International (2002), Fazzu l'indianu (2003) (ca cunteni macari u successu I Never Stones to Your Sister prisintata macari ô Music Zoo of All Music) e Ma se il caldo arriva...

Ntô 2005 pigghiau parti a l'eventu Cuncertu pi Catania, ogganizzatu pi sustiniri a candidatura ri Enzu Biancu a sìnnucu, nzemi a artisti cuntirranii comu Carmen Consoli, Mariu Venuti, Tinturia, Lautari e Brando. Duranti l'esibbizzioni fu accumpagnatu de cori do gruppu de brigantini Partecipau macari a vari cuncerti n Sicilia, gudennu di n nutèvuli successu tra u pubblicu tra a stati do 2008 (dumilaeottu) e do 2009 (dumilaenovi).

Ntô 2005 si candidau a sìnnucu di Catania ma ci vinnunu annullati cchiossai di 1.000 voti picchì ntê schedi attruvaunu scrittu "Brigantony" anveci di "Antonino Caponnetto". Nta st'occasioni, nfatti, ntê listi elitturali, attagghiu ô nomu, non ava statu specificatu "chiamatu Brigantony". ^[9]

A motti

Mossi u 22 lugliu 2022 pi na malatìa dopu èssiri statu ricuviratu ntô repattu di rianimazioni do spitali ri Catania. ^[10] ^[11] U Cumuni ri Catania prupunìu a so famigghia di tumulari u tabbutu nto "viali di l'illustri" do cimiteru di Catania, ària risirvata ê catanisi ca cû sò travagghiu purtaru pristiggiu â città ma, n sèquitu a ritardi burucràtici, u tabbutu vinni finarmenti tumulatu ntâ Cappedda da Confraternita Santa Maria do Carmini. ^[12] U cunsigghiu comunali delibbirau macari pi chiamari n'aria pùbblica co sò nomu. ^[13]

Premi

Tra li premi c'havi arricivutu s'arricòrdanu:

1982 - Pirsunaggiu cchiù jittunatu pi li radiu privati siciliani;
1985 - Midagghia d'onuri di Milanu ntô 1985;
1990 - Li granni di la Sicilia ('n Australia);
1995 – Divurgaturi di la canzuna siciliana ntô munnu;
2001 - Premiu ô pirsunaggiu nta “La Sicilia che sorride”.

Discugrafìa

'A zita pilusa (GSrecord)
'A Bella Vita (GSrecord)
1 X 2 (Seamusica)
90° Minuto - Telecronista Brigantony (Seamusica)
Abbambata (Lambada) [Seamusica]
A Cavallo (New Stelle Records)
'A Ciolla (Seamusica)
Alla Scigghis Minchis Mix (New Stelle Records)
Brigantony e la sua Sicilia (Seamusica)
Catania In Serie A (Seamusica)
Cauru Dance (Seamusica)
Co' Filter (New Stelle Records)
Co' Bullu (Seamusica)
...Con Amore (Seamusica)
Hotel Del Macco (Seamusica)
D.O.C. (New Stelle Records)
D.O.C. Vol. 2 (New Stelle Records)
Love (New Stelle Records)
I Successi Di Brigantony (Seamusica)
I Conna Non Passunu (Seamusica)
Fazzu L'indianu (New Stelle Records)
In Discoteca (Seamusica)
International (New Stelle Records)
Le Scenette di Brigantony: Vol.1 (Seamusica)
Le Scenette di Brigantony: Vol.2 (Seamusica)
Le Scenette di Brigantony: Vol.3 (Seamusica)
Si puttanu la me vespa (New Stelle Records)
Micio Tempio 2000 (New Stelle Records)
Micio Tempio 2000 Vol.2 (New Stelle Records)
Milano (Rototom)
Ci' nnè uno e... (Scacco Matto/Vedette)
Mix Live
Perché Non Te La Fai Mettere... Nel Disco? (Seamusica)
Ppa' Vannu Cu Ce' Ce' (New Stelle Records)
Super Brigantony Man (New Stelle Records)
The Bestia (Seamusica)
Wanted! (Seamusica)
Le Più Belle Di Brigantony (Seamusica)
Brigantony Si Scatena! (Seamusica)
Vamos A Pilus (Seamusica)
Divertimento in Folk (Seamusica)
Tanti Auguri (Seamusica)
Lido Paffias Club (Seamusica)
'U Sucu Do Pollu (Seamusica)
The Boss (Seamusica)
Messaggio D'amore (New Stelle Records)
USA USA 94 (New Stelle Records)
Ma se il caldo arriva... (Seamusica)
Non dire Bugie (Seamusica)

Li canzuni

Li canzuni di Brigantony pàrrunu ginirarmenti di situazzioni tìpichi dâ Sicilia e principarmenti di Catania e la sò pruvincia, misi comunqui nta na vista diminziali; chistu addiventa scialusu assai quannu si tratta di canzuni ca iddu cancia dû talianu e dû nglisi ntô sicilianu, canciannu tutarmenti l'ambientazzioni.

La canzuna "Si puttanu a me vespa" voli èssiri la virsioni siciliana di "Hanno ucciso l'uomo ragno" (trad. sicilianu: "'Ammazzaru a l'Omu ragnu"), unni iddu canta di comu ci arrubbaru la vespa e di comu iddu penza ca a st'ura sâ stannu già smuntannu pi vinnìrisi li pezzi ntô scassu, cosa cumuni assai ntâ Sicilia (e macari nta àutri riggiuni taliani, dû sud e dû nord).

"Stuppai na fanta" trasfurma lu sonu èpicu di li "Europe" nta na situazzioni riddìcula di unu ca si porta a sò mugghieri nta na pizzirìa e idda nun nni voli sapiri di manciàrisi la pizza e anzi accumincia a luvàricci li cosi di ncoddu (l'alivi cci levi, î funci un-nni voi, û spezzi t'avvampa, â tuma un-nnâ voi). Brigantony allura si siddia e accumincia a mittìrici l'ogghiu ntâ pizza, spirannu ca idda s'accummincia a manciarisilla. La cumicità giniali di Brigantony stà ntô cuntrastu tra na canzuna c'havi un sonu èpicu, cu na chitarra ca fa na speci di cavalcata wagneriana, cu assoli di chitarra e di battirìa e chi parra di nu viaggiu stiddari (la canzuna parra di nu viaggiu supra lu pianeta Veneri) e na tìpica situazzioni siciliana ambientata nta fantumàtica pizzirìa "Sar' ma llicca", ccu na serî di dittagghi ca sulu li siciliani pòzzunu capiri.

"Iaffiu 'u cuttu" nveci lu pigghia nnô successu miricanu di James Brown e lu trasfurma ntâ storia di unu ca ci lassa â màchina a lu parchiggiaturi abbusivu (Jàffiu). Ovviamenti la màchina sâ pòrtanu e Jàffiu nun nni sapi nenti e nn'accumincia la tìpica situazzioni di la malavita catanisa unni Brigantony si nn'hâ jiri a chiamari "û zzu Puddu" chi ci spieca comu fari ppi fàrisi turnari â màchina di "Vitu".

"Bastardo" - Parra di unu ca si porta a sò soru nta na festa e chista casca sùbbutu ntî li manu di Lu Bastardu ca è unu chi havi lu patri diputatu e pigghia un saccu di dinari. A l'inizziu iddu pari siddiatu di sta storia, picchì sò soru è "ancora comu la fici sò ma'", ma dopu, a pinzari di avìrici lu cugnatu figghiu di papà, s'accuntenta.

Curiusitati

Doppu li nummirusi successi discugràfici sia 'n Italia ca a l'èsturu, ntô 1992 Brigantony s'apprisenta pi la prima vota ô sò pùbbricu puru 'n vìdiu cu "TELEMELAVIRO", esilaranti cumeddia prudutta dâ EMMECI Home Video e diretta di Mario Calì, ntâ quali lu cantanti vesti li panni d'un simpàticu cunnutturi di telejurnali spissu 'n culligamentu chê pirsunaggi cchiù strani.

Ntô 2005 si cantitau a Catania comu vicisìnnacu ma ci foru annullati cchiù di 1000 voti pirchì ntê schedi vinìa attruvatu scrittu "BriganTony" anzichì "Antonino Caponnetto". Nta st'accasioni, nfatti, vicinu ô nomu nun avìa statu spicificatu "Dittu Brigantony". Pi st'elezzioni si prividìanu pi Brigantony tantìssimi voti. Vinni, nfatti, fattu capulista. Lu manifestu d'iddu affissu vidi protagunista un funnuschena di picciotta ca s'ammuccia cu na vurzicedda e iddu ca dici "Si vutati d'accussì, jù acchianu sicuru!" ("Se votate così, io salgo di sicuro!")

Noti

↑ Carmen Greco, Brigantony, la sua Catania e il successo: «Ecco perché la gente mi ama», su La Sicilia, 23 luglio 2022. URL consultato il 23 agosto 2023.
↑ Musica: morto Brigantony, cantante popolare siciliano - Notizie - Ansa.it, su Agenzia ANSA, 23 luglio 2022. URL consultato il 23 agosto 2023.
↑ Santi Liggieri, È morto il Maestro Brigantony, su NewSicilia, 23 luglio 2022. URL consultato il 22 agosto 2023.
↑ Addio a BriganTony, l'artista catanese del dialetto e del doppio senso, su Gazzetta del Sud, 23 luglio 2022. URL consultato il 22 agosto 2023.
1 2 Morte Brigantony, per Antonio Ferlito un vuoto incolmabile «Baluardo di catanesità. Ci lascia in epoca senza contenuti», su Meridionews, 23 luglio 2022. URL consultato il 23 agosto 2023.
↑ I Brigantini alla Pineta Monte Rossi. "Alive"... domenica 13 agosto, su LoSportWeb. URL consultato il 23 agosto 2023.
↑ Riposto, il 5 agosto in piazza san Pietro il concerto dei Brigantini, su comune.riposto.ct.it. URL consultato il 23 agosto 2023.
↑ Grande attesa a Riposto per il concerto dei Brigantini: un evento imperdibile nell'estate siciliana!, su ilfattodicatania.it, 4 agosto 2023. URL consultato il 23 agosto 2023.
↑ Morto Brigantony, il maestro della musica popolare siciliana si è spento a 74 anni, su corrieredelmezzogiorno.corriere.it. URL consultato il gennaio 2023.
↑ Morto Brigantony, il celebre cantante popolare siciliano si è spento all'età di 74 anni, su ilmattino.it, 23 luglio 2022. URL consultato il 23 agosto 2023.
↑ È morto Brigantony, cantante popolare siciliano: “Anima autentica di Catania”, su Music Fanpage. URL consultato il 23 agosto 2023.
↑ Giovanni Finocchiaro, Brigantony e la mancata sepoltura nel Viale degli Illustri: quando Catania non mantiene le promesse, su La Sicilia, 22 aprile 2023. URL consultato il 23 agosto 2023.
↑ Una piazza per Brigantony. Il Consiglio Comunale ha detto sì. L'amministrazione dovrà individuare quale spazio, su Meridionews, 26 ottobre 2022. URL consultato il 23 agosto 2023.

Lijami di fora

[1] Carmen Greco, Brigantony, la sua Catania e il successo: «Ecco perché la gente mi ama», su La Sicilia, 23 luglio 2022. URL consultato il 23 agosto 2023.

[2] Musica: morto Brigantony, cantante popolare siciliano - Notizie - Ansa.it, su Agenzia ANSA, 23 luglio 2022. URL consultato il 23 agosto 2023.

[3] Santi Liggieri, È morto il Maestro Brigantony, su NewSicilia, 23 luglio 2022. URL consultato il 22 agosto 2023.

[4] Addio a BriganTony, l'artista catanese del dialetto e del doppio senso, su Gazzetta del Sud, 23 luglio 2022. URL consultato il 22 agosto 2023.

[:0-5] 1 2 Morte Brigantony, per Antonio Ferlito un vuoto incolmabile «Baluardo di catanesità. Ci lascia in epoca senza contenuti», su Meridionews, 23 luglio 2022. URL consultato il 23 agosto 2023.

[6] I Brigantini alla Pineta Monte Rossi. "Alive"... domenica 13 agosto, su LoSportWeb. URL consultato il 23 agosto 2023.

[7] Riposto, il 5 agosto in piazza san Pietro il concerto dei Brigantini, su comune.riposto.ct.it. URL consultato il 23 agosto 2023.

[8] Grande attesa a Riposto per il concerto dei Brigantini: un evento imperdibile nell'estate siciliana!, su ilfattodicatania.it, 4 agosto 2023. URL consultato il 23 agosto 2023.

[9] Morto Brigantony, il maestro della musica popolare siciliana si è spento a 74 anni, su corrieredelmezzogiorno.corriere.it. URL consultato il gennaio 2023.

[10] Morto Brigantony, il celebre cantante popolare siciliano si è spento all'età di 74 anni, su ilmattino.it, 23 luglio 2022. URL consultato il 23 agosto 2023.

[11] È morto Brigantony, cantante popolare siciliano: “Anima autentica di Catania”, su Music Fanpage. URL consultato il 23 agosto 2023.

[12] Giovanni Finocchiaro, Brigantony e la mancata sepoltura nel Viale degli Illustri: quando Catania non mantiene le promesse, su La Sicilia, 22 aprile 2023. URL consultato il 23 agosto 2023.

[13] Una piazza per Brigantony. Il Consiglio Comunale ha detto sì. L'amministrazione dovrà individuare quale spazio, su Meridionews, 26 ottobre 2022. URL consultato il 23 agosto 2023.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]