Barricada

Barricada è nu gruppu rock di Pamplona (Spagna) furmatu ntô 1982. Hà fattu 18 disca e nu granni nùmmiru di cuncerti, è unu dê gruppi ca di chiossai anni sunnu dintra lu panurama rock spagnolu.

Stòria

Lu gruppu fu spummintatu di Enrique Villareal (El Drogas), vuci e bassu; José, battirìa; Sergio Osés, comu secunnu chitarrista; e Javier Hernàndez (Boni), vuci e chitarra.

Àppiru lu primu cuncertu ntî l'aprili dû 1982 ntâ chiazza dâ Txantrea, a Pamplona.

Vinni appressu lu cumpusizzioni dû primu discu cu Mikel Astrain comu battirìa. Stu primu discu, Noche de Rock and Roll, vinni fattu dâ casa discugràfica nnipinnenti Soñua e ajutatu dâ pruduzzioni di Ramoncìn. Chistu è chiddu ca dissi El Drogas 'n capu stu discu: <<el carajillo hecho disco>> (lu curagghiu fici lu discu).

Doppu la jittata dû discu, Sergio Osés appi a fari lu sirvizziu militari, ma chistu nun firmau lu successu dû gruppu ca lu sustituìu cu Alfredo Piedrafita. Ntô 1984 Mikel Astrain morsi pi nu tràuma ciribbrali e Fernando Coronado addivinni lu novu battirista. La ncisioni dû secunnu discu, Barrio conflictivo, câ canzuni Pon esa mùsica de nuevo, fu nu sintutu umaggiu a Mikel.

Ntô 1986, pâ ncisioni dû terzu discu (No hay tregua), li Barricada firmaru nu cuntrattu câ multinazziunali RCA. Pirò li cuntrasti ntra lu gruppu e la casa discugràfica jìanu criscennu e accussì stu cuntrattu vinni rumputu prima d'abbijari lu discu, produciutu cu Rosendo Mercado.

Ntô 1987, p'abbijari lu discu No sé qué hacer contigo, si junceru câ casa discugràfica Polygram Iberia. Cu tuttu dê prissioni dû gruppu, la casa discugràfica cinzurau la canzuna Bahìa de Pasaia, c'arricorda li cuntruversi morti di 4 militanti dû Cumannu Autònumu Anticapitalista (Comandos Autònomos Anticapitalistas), essennu unu di chisti n'amicu di El Drogas.

Risicau la cinzura macari la canzuna En Nombre de Dios, ntô 1989, dû discu Pasión por el ruido, unni àppiru a canciari lu tìtulu. La canzuna è na crìtica a l'Opus Dei.

Lu cuntrattu cu Polygram Iberia si finìu ntô 2000, firmànnuni n'àutru câ casa discugràfica nnipinnenti DRO, pi fari lu discu Bésame, na svolta ô puru rock pô gruppu.

Doppu la jittata di stu discu, Fernando Coronado lassau lu gruppu e trasìu Ibi, ca avìa statu cumpagnu di Piedrafita ntî In Vitro.

Ntô 2003 niscìu ntô mircatu n'umaggiu ô gruppu, Un camino de piedras, furmatu di 13 canzuni dê Barricada ntâ virsioni di àutri amici ruckittari.

Mèmmira

• Enrique Villareal «El Drogas»: vuci e bassu
• Javier Hernández «Boni»: vuci e chitarra
• Alfredo Piedrafita: chitarra e coru
• Ibon Sagarna «Ibi»: battirìa e coru

Discografìa

• Noche de Rock&Roll, 1983
• Barrio conflictivo, 1985
• No hay tregua, 1986
• No sé qué hacer contigo, 1987
• Rojo, 1988
• Pasión por el ruido, 1989
• Barricada (Doble directo), 1990 (Discu di Oru)
• Barricada 83–85, 1990
• Por instinto, 1991 (Discu di Platinu)
• Balas blancas, 1992 (Discu di Platinu)
• La araña, 1994 (Discu di Oru)
• Los singles, 1995
• Insolencia, 1996
• Salud y rocanrol (live), 1997
• Acción directa, 2000
• Bésame, 2002
• Hombre mate hombre, 2004
• Latidos y mordiscos (duppiu live), 2006

Liami Esterni

• Situ Ufficiali dû gruppu