Attacchi â Nurveggia dû 2011

Dâ Wikipedia, la nciclupidìa lìbbira.
Jump to navigation Jump to search
Viduta di Oslu menz'ura doppu la botta

L'attacchi â Norveggia dû 2011 sunnu na para di corpa tirroristichi contra la pupulazzioni dî civili mmattuti lu 22 di giugnettu2011. Lu primu si tratta di na bumma mpressu ô centru du cuvernu norviggisi (Regjeringskvartalet) ca s'attrova a Oslu e fu ê 15:26. Lu scattìu dâ bumma ammazzau ottu cristiani. Lu secunnu, cchiù gravi, fu na sparatoria nta l'isuletta di Utøya, ca fici 69 morti. La polizzìa attaccau a Anders Behring Breivik ca è lu capillòpira pi tutti e dui li corpa.

La bumma a Oslu[cancia | cancia la surgenti]

Ê 15.26 cci fu nu scattìu mpressu l'ufficiu dû Primu Ministru Jens Stoltenberg. Ntâ zona cci sunnu casi tutti l'edifici dû cuvernu, jissennu lu locu dû Ministeru dû Pitroliu e di l'Energia l'edificiu cchiù damaggiatu. Cchiù tardu st'edificiu pigghiau focu. La botta si sintìu nzinu a 7 km di luntanizza comu diciutu dî testimoni. Havi stata usata n'autubbumma. Sta bumma fici 8 morti e nni struppiau boni armenu armenu 5.

Sparatoria a Utøya[cancia | cancia la surgenti]

Picca uri doppu l'autubbumma, Breivik agghicau supra a l'isula di Utøya, unni cc'era lu cungressu di giùvini dû Partitu Labburista Nurviggisi. Travistutu comu nu pulizziottu, accuminciau a fàciri fàusi controlla nzinu a quannu nun japrìu lu focu contra a tutti li cristiani ca cc'èranu supra a l'isula. Avìa na pistola e na scupetta. Certuni circaru di scappari natannu, ma, sicunnu la polizzìa, nni mureru assai annijati. La sparatoria durau tipu 45 minuta, tempu unni Breivik si firmava di sparari cu pàusi di deci secunna alluna e jittannu vuci di vittoria. Na vota c'agghicau macari la polizzìa, lu pistuleru s'arrinnìu e si fici attaccari.