Argumentu

Dâ Wikipedia, la nciclupidìa lìbbira.
Jump to navigation Jump to search

'N lòggica e 'n filusufìa, un argumentu è na discussioni midianti lu quale si cerca di furniri li provi pi giustificari lu cuntinutu e/o obbiettivu dâ discussioni. Si pò chiamari macari lu raggiunamentu.

La stissa idea pò discrìviri lu tema o mutivu di na puisìa o cuntu.

Ntâ Littiratura Siciliana[cancia | cancia la surgenti]

Lu granni scritturi Giuvanni Meli spissu usau l'idea di l'argumentu ntrâ so scrittura. Ntô so puema tràggicu-cumèdicu Don Chisciotti e Sanciu Panza Meli ncumenza ogni cantu cu n'argumentu chi discrivi lu tema dû cantu chi sèqui. St'asempiu s'attrova ô principiu dû Cantu V, discrivi li scontri ca li dui prutagunisti hannu cu l'àutri di fora e ntra iddi stissi:

Argumentu
L'Accidenti l'Eroi guida e proteggi,
facennu pr'iddu insoliti prodigi;
di pernottari in rumitoriu eleggi;
Sanciu, e veni c'un monacu a litigi.
Don Chisciotti d'un magu a li dispreggi
dà ad un giganti e un vausu trafiggi;
di poi cu Sanciu per un sbia-sonnu
si dannu pugna e cauci quantu ponnu.