Amèrica latina

Dâ Wikipedia, la nciclupidìa lìbbira.
Jump to navigation Jump to search
La pusizzioni di l'Amèrica latina chi cumprenni la majuranza dî paisi di l'Amèrica dû Sud e l'Amèrica cintrali


L'Amèrica latina veni custituita dî paisi dû cuntinenti amiricanu chi foru culunizzati di nazzioni latini, (Spagna, Portugallu e Francia), e ntra cui si pàrranu lingui niu-latini: spagnolu, portughisi o francisi. Chistu veni a diri quasi tuttu lu cuntinenti miricanu dû sud stremu nzinu ô Mèssicu, Cubba, e li Antilli.

Ntâ difinizzioni di l'Amèrica latina nun si lìmita nicissariamenti a sta cunnutazzioni linguìstica. Si teni cuntu macari dî carattirìstichi culturali, ètnichi, stòrichi, giogràfichi, riliggiusi, pulìtichi, suciali e ecunòmichi.

Chissu vali pari pî paisi nnipinnenti e autònumi. Dunca li tirritori francòfuni dû Canadà e dî Stati Uniti nun vennu cunzidirati comu parti di l'Amèrica latina. Poi pi certi pirsuni, li paisi comu Belizi, Surinami e Grenada (chi nun hannu na lingua rumanza comu la sò lingua ufficiali), fannu parti di l'Amèrica latina, ma pi tanti ssi paisi nun vennu catigurazziti pâ stissa manera (viditi la mappa â manu dritta). Pi cunchiùdiri, putemu diri ca la difinizzioni di l'Amèrica latina è assai ambigua ca spissu addipenni ô cuntessu ntra cui stu tèrmini veni usatu.



Paisi dû Munnu | Amèrica
Amèrica Sittintriunali: Canadà | Stati Uniti | Mèssicu
Amèrica Cintrali: Aiti | l'Antilli | (li) Bahama | Belizi | Barbados | Costa Rica | Cubba | Dominica | Guatemala | Giamaica | Grenada | Honduras | Nicaragua | Panamà | Ripùbbrica Duminicana | El Salvador | Saint Kitts e Nevis | Santa Lucia (nazzioni) | Saint Vincent e Grenadine | Trinidad e Tobagu
Amèrica Miridiunali: Argintina | Bolivia | Brasili | Cili | Colombia | Ecuaturi | Gujana | Paraguai | Perù | Surinami | Uruguai | Venezzuela