Alcara Li Fusi

Dâ Wikipedia, la nciclupidìa lìbbira.
Alcara Li Fusi
Nomu ufficiali: Alcara Li Fusi
Riggiuni: {{{riggiuni}}}
Pruvincia: Missina (ME)
Cuurdinati: 38°1'0"N, 14°42'0"E
Ammustra ntâ mappa
Superfici: 62 km²
Abbitanti: 2.474
Dinzitati: 40 ab./km²
Cumuni cunfinanti: Risarò, Lonci, Militieddu, Santu Frateddu, San Marcu (ME)
CAP: 98070
Prifissu telefònicu: 0941
Situ ufficiali: http://www.comune.alcaralifusi.me.it/


Alcara Li Fusi (o L'Arcara) è un cumuni di 2.474 abbitanti dâ pruvincia di Missina.

L'abbitanti sunnu chiamati "arcarisi" (o "alcarisi" o "larcarisi") 'n sicilianu e "alcaresi" 'n talianu.

Storia e liggenna

Larcara havi na storia antica ca si ntrica cu la liggenna: si cunta chi fu patron Tùriu cumpari d'Enea lu truianu, a funnari stu paisi, ca appi tanti mumenti mpurtanti. Ancora ora si discurri sùpira unni putìa èssiri la citati di Demenna, ma tanti studiusi la mèttunu propriu unni eni Larcara oggi. Si dici macari ca Larcara desi li natali a Liuni II (chiamatu Papa Lia) e chi stu Papa pi ringraziamentu versu li sò paisani, ci vosi fari lu piaciri di fàrini la sedi viscuvili. Àutri cosi succèsuru ntâ stu paisi ntê tempi cchiù ricenti; ntô 1860, apprima chi ìn àutri parti dà Sicilia a Larcara ci fu la prima rivuluzzioni contru li putenti dû tempu, chi ntâ rialtà nun canciaru mai.

Oggi lu paisi eni ô centru dû parcu di Nèbbrudi e si diffirenzia ntra tutti li paisi di Nèbbrudi pi la biddizza dê sò rocchi (li rocchi dû crastu) e pi la nùmmirusa ricchizza d'armali ca cci sù, a partiri di l'àcula (simbulu dû paisi) e li vuturuna (grifuni).

Tradizzioni

Mpurtanza sulenni hannu dù festi a Larcara: una riliggiusa e l'àutra pagana.
La prima eni chidda dû Santu patruni San Niculò Pulìticu, lu Santu rimita, ca si faci dû 15 ô 18 austu; sta festa e assai sintuta ntô paisi e faci arricampari tutti li migranti di tutti li banni.
L'âutra festa anveci si faci lu 24 giugnu, lu jornu di San Juanni; pirò sta festa câ riligiuni nun centra nenti picchi eni na festa pagana, nfatti si faci a la sarvata dû Santu: ntâ siratina si conzunu artari cu nu buccali cummighiatu di nu fazzulettu acculuratu e sùpira ci si metti l'oru e si dìciunu enuìi, nu ritu d'uriggini grecu, pi ngrazziàrisi la dia Demetra, (la dia di l'abbunnanza) e lu diu Diunìsiu: pi tutta la festa, chi dura tutta â nuttata, si mancia pani cû furmaggiu paisanu e si bivi vinu.

Larcara aoggi

Pi finiri, eni giustu arricudari chi nta l'ùrtimi anni lu paisi staci passannu nu pirìudu nìuru, duvutu a la granni micrazzioni chi di sempri havi carittirizzatu li zoni di muntagna, ma mai comu nta l'urtimi anni, e lu rischiu eni chiddu chi stu paisi scumpari pi sempri, .

Panurama di Alcara Li Fusi

Link