Adrianu (nomu)
Adrianu o Atrianu è un nomu propiu di pirsuna sicilianu maschili.
Etimoluggìa
[cancia | cancia la surgenti]Lu nomu Adrianu diriva dû cognomen latinu Adrianus, ca signìfica "abbitanti o pruvinenti di Hadria o Hatria", zoè di l'antichìssima citati prirumana di Hadria o Hatria nta l'Abnruzzu (attuali Atri, pruvincia di Teramu). Lu cchiù notu Adrianu dâ storia, lu mpiraturi rumanu, purtava stu nomu pirchì, puru avennu nasciutu ntâ Spagna, li ginitura o li nanni èranu urigginari di sta citati dâ quali avissi pigghiatu lu nomu lu mari adriàticu.
Onumàsticu
[cancia | cancia la surgenti]Si fisteggia lu 5 di marzu 'n anuri di Sant'Adrianu di Cesarea, màrtiri, prutitturi di li curriri.
Santi e Biati
[cancia | cancia la surgenti]- Sant'Adrianu di Cesarea màrtiri.
- Sant'Adrianu di Canterbury, abbati, cummimuratu lu 9 di jinnaru.
- Sant'Adrianu di Nicomedia, fistiggiatu lu 4 di marzu.
- Sant'Adrianu III Papa, fistiggiatu l'8 di giugnettu.
- Biatu Adrianu Fortescue màrturi, duminicanu, cummimuratu lu 9 di giugnettu.