Adolf Hitler

Dâ Wikipedia, la nciclupidìa lìbbira.
Jump to navigation Jump to search
Na mmàggini di Adolf Hitler.

Adolf Hitler (20 di aprili, 1889 - 30 di aprili, 1945) fu lu cummannanti dâ Girmania nazista e lu capu dû Partitu nazista. Dû 1933 ô 1945 fu lu capu dû cuvernu e lu capu dû statu. Hitler è nu pirsunaggiu mpurtanti dâ storia muderna. Duranti la Secunna guerra munniali la Girmania Nazzista, sutta Hitler, cuntrullava la maggiuranza di l'Europa. Sutta la sò duttrina strema, miliuna di genti vìnniru ammazzati, spiciarmenti giudei e zìngari, ntô abbinimentu chiamatu l'Olocaustu. A Birlinu s'ammazzau prima ca lu sò asèrcitu vinni battutu dî forzi alliati.

Ntô 1933, pi menzu di nganni pulìtici, Hitler addivintau lu capu dû cuvernu e dû statu tudiscu. Araciu araciu abbulìu assai diritti dû pòpulu, p'asempiu lu dirittu d'abbanniari pubbricamenti. Tutti l'àutri partiti pulìtici vìnniru abbuluti sarvu lu partitu nazista. Tanti addivintaru priciuneri pulìtici quannu lu cuvernu nazista riducìu la libbirtati dû pòpulu tudiscu. Tutti li prucessi dimucràtici foru tutti quanti sciugghiuti. Si pò diri senza nudda cuntradizzioni ca Hitler stissu era ô centru di tutti st'abbinimenti e ca tuttu vinni fattu sutta li só òrdini.

Lijami sterni[cancia | cancia la surgenti]