Denza
(Rinnirizzata di Addenza)
La palora denza voli diri lu ascutari, attinziunari, ntrattiniri, eccetra. Idda havi tanti sfumaturi ‘n basi a lu cuntestu dû discursu e a lu significatu:
- dari ascutu – asempiu: “ Jù cci parrai, ma iddu nun mi resi nudda denza “;
- fari nà cosa cu attinzioni – asempiu.: “no.. nun puzzu nèsciri. Haiu dari denza a *stu travagghiu”;
- attinziunari a quarcunu – as.: “chî carusi di oggi nun si capisci cchiù nenti e chissu è pirchì la famigghia nun cci duna nudda denza”;
- ntrattinniri a quarcunu – as.: “Haiu chi fari, dacci denza tu a ssù cristianu."
Piccittu porta macari st'àutri difinizzioni: arduri, entusiasmu; cu sta sprissioni: nun dàrisi denza o «nun dàrisi paci».
Piccittu ni mustra ca s'attròvanu tanti formi di sta palora. P'asempiu:
- «addenza» (nnâ pruvincia di Catania) e «'a urienza» o «aurienza» (nnâ pruvincia di Rausa)
- «adenza» (nnâ pruvincia di Missina)
- «addenzia» e «adenzia» (nnî pruvinci di Catania e Sarausa)
La furma «ardenza» pò aviri lu stissu significatu, ma veni usata puru pi significari caluri, arduri e mpegnu.
Rifirimenti
[cancia | cancia la surgenti]- Camilleri, Salvatore (1998) Vocabolario Italiano Siciliano, Edizioni Greco, Catania.
- Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgio Piccitto, Catania-Palermo.