Abul-Hasan al-Hasan ibn Ali
(Rinnirizzata di Abu l-Hasan al-Hasan ibn Ali)
Abul-Hasan al-Hasan ibn Ali canusciutu puru comu Al-Hassan ibn Ziri (1109- 1171) fu l'ùrtimu cuvirnaturi zirita 'n Ifriqiya tra lu 1121 e lu 1152. Succidìu ancora picciottu a Ali ibn Yahya. All'inizziu appi nu certu successu militari, ô puntu chi ntô 1123 riniscìu a fari ritirari la marina nurmanna capiata di Christodulus. Tra lu 1146 e lu 1148, n sèquitu a n'àutru attaccu nurmannu, appi a accittari di suttumèttiri ô cuvèrnu nurmannu tutta la costa tunisina, e si ni fuìu di la sò curti di Mahdia a Algeri. L'attaccu vitturiusu di l'Almohadi ntô 1152 a Algeri misi fini â sò dinastìa.
La curti
[cancia | cancia lu còdici]La sò curti a Mahdia cumprinnìa tra l'àutri cosi lu pueta sicilianu Ibn Hamdis chi ci didicau diversi puisìi.
Bibbliografìa
[cancia | cancia lu còdici]- Giosuè Musca, Il mezzogiorno normanno-svevo e le crociate, Centro di studi normanno-svevi, Università di Bari (p.106).