Abu Tahir Tamim ibn al-Muizz

Abu Tahir Tamim ibn al-Muizz, (1038 o 1039 - frivaru 1108) è nu suvranu dâ dinastìa dî ziriti d'Ifriqya, chi rignau tra lu 1062 e lu 1108.

Biografìa

 morti di sò patri Al-Muizz, lu mpiru iriditatu di Tamim è riddottu a cità vècchi, circunnati di mura, e li campagni caderu già ntê manu di àrabbi hilaliani.

Ntô 1063 parti n guerra contra Hammu ibn Melîl, signuri di Sfax, cità pirduta dê ziriti ntô 1059. Lu nimicu è scunfiggiutu e foru pigghiati puru li cità di Susa e di Tùnisi. Ma appi a sidari ô stissu tempu puru na rivorta dû cuvirnaturi di Kairouan.

Ntô 1064 Tamim manna na spidizzioni cunnuciuta dî sò figghi Ayoub e Ali, n Sicilia pi uppunìrisi contra li nurmanni. Li nurmanni cunquistaru già la parti nord-orientali dâ Sicilia. Lu restu dâ Sicilia era spartuta n'emirati nnipinnenti chi abbisugnàvanu l'aiutu dî ziriti. Li figghi di Tamim, di Girgenti e Palermu occuparu tutta la parti uccidintali dâ Sicilia, circannu di tèniri testa ê truppi nurmanni. Si n'àppiru a riturnari n'Ifriqiya ntô 1068, n sèquitu a sciarri vari cu l'emira siciliani.

La guerra n'Ifriqiya è pirò distinata a cuntinuari cu An-Nasir ben Alannas, dâ dinastia di l'hammaditi, nzinu ô 1077 quannu An Nasir duna sò figghia comu muggheri a Tamim.

Ntô 1081 Tamim marcia supra Gabes ma doppu dù anni abbannuna la cità e ritorna a Mahdia unni è assidiatu di l'àrabbi. Rispinci l'avvirsari nzinu a Kairouan di unni li ispelli.

Ntô 1087, Mahdia è pigghiata di na cualizzioni chi cumprenni Ginuvisi, Pisani, Amalfitani e nurmanni chi la sacchìanu. Â fini ristituìsciunu la cità a Tamim contra nu riscattu di centumila pezzi d'oru. La càusa di l'opirazzioni punitiva italiana fu prubbabbirmenti lu fattu ca Temim chê ncursioni dî sò figghi avìa tagghiatu tutti li vìi di cummerciu tradizziunali tra l'Italia e l'Africa dû Nord.

Dù anni cchiù tardu ricunquista pirò l'ìsula dê Ggherbi e Pantiddiria. Mori ntô misi di frivaru dû 1108, a 69 anni, lassannu quaranta figghi màsculi e sissanta figghi fìmmini.