Abu Mudar Ziyada Allah ibn Abi al-Abbas
'Abū Muḍar Ziyādaẗ Allah III (n arabbu: أبو مضر زيادة الله الثالث; ? ? – ? 916) fu l'unnicesimu e ùrtimu emiru aglabbiti 'n Ifriqiya.
Fu guvirnaturi dâ Sicilia ntra la morti di Ibrahim II ntô 902 e lu 903 quannu agghicau ô putiri doppu l'ammazzatina di so patri ʿAbd Allāh II ntô 903 e di tutti i so frati, zii, cucini e ogni autru rivali pussìbbili. Vurricaru i catàfari nta l'Isula dî Puorri unni l'attruvaru ntô 1989.
Puru ca accussì addivintau cchiù forti, a dinastìa glabbita persi pirò ogni valuri a l'occhi dî sùdditi e dû restu dû munnu islàmicu di l'èbbica.
La tribù berbera dî Kutāma, cumannata di l'ismailita Abū ʿAbd Allāh al-Shīʿī cuntinua a vadagnari tirrenu e cunzensi, nzinu a pigghiari u cuntrollu dâ cità di Setif. Doppu ca du' campagni militari aglabbiti ntô 905 e 906 sfalleru, al-Shīʿī upirau un cuntrattaccu putenti e doppu aviri cunquistatu l'Ifrīqiya miridiunali, i truppi aglabbiti foru mannati 'n rutta ntô cummattimentu di al-Arbus dû 18 di marzu dû 909.
Tutta l'Ifriqiya cadìu sutta ê manu dî Kutama e la dinastìa aglabbita finìu chî fatimiti.
Ziyādat Allāh III si nni jìu cu na bona quantità di gioji agghiri ô Mashreq, ma nun arriniscìu a capitari nuḍḍa manu di l'abbassidi, finennu li sò jorna ntô 916 'n Palistina.
