Abbunnanza (divinitati)
L'abbunnanza ('n latinu Abundantia) è na divinitati alligòrica. Era rapprisintata sutta la furma di na fìmmina bedda cummigghiata di ciuri, cu ntâ sò manu dritta nu cornu jincutu di ciuri e frutta, ch'era chiamatu lu Cornu d'abbunnanza. Era una dî corna d'Amaltea, nurrizza di Jovi, ca stu diu detti ê ninfi ca l'avìanu addivatu.
Ntâ mituluggìa rumana è la pirsunificazzioni di l'abbunnanza e dâ pruspirità (certi voti cunfusa cu Annona ), ortri ca lu custodi dâ cornucopia, cu cui iḍḍa distribbuìu lu manciari e li soḍḍi. Secunnu na discrizzioni di Ovidiu, la dea siguìu Saturnu quannu fu cacciatu dû celu.[1]