A muru vasciu ugnunu si cci appoja

Dâ Wikipedia, la nciclupidìa lìbbira.
Jump to navigation Jump to search

A muru vasciu ugnunu si cci appoja è nu pruverbiu di la tradizzioni linguìstica siciliana. Lu significatu di la sintenzia è: cui è pristàbbili avveri l'àutri è vittima di cui si n'apprufitta d'iddu, nun fàriti suttamìntiri.

L'anzignamentu ca voli dari è chiddu di mantìrisi vardigni e di nun fari apprufittari a l'àutri di lu propiu bonu cori. È di taliari la simigghianza ccu lu significatu e l'anzignamentu di n'àutru pruverbiu sicilianu: Cui si vardau si sarvau.

Citazzioni[cancia | cancia la surgenti]

Lu pruverbiu è citatu nti la Raccolta di proverbj siciliani ridutti in canzuni di l'abbati Santu Rapisarda ca ni duna sta spigazzioni puètica:

«  Pirchì non aju mi fannu la baja,
e mi dìcinu tutti: tira boja,
si parru mi rispùnninu: ossia vaja,
tantu lu miu parrari a tutti annoja;
sdignatu ognunu d'avanti mi mpaia,
non pozzu aviri un mumentu di gioia,
megghiu ca mi va jettu ntra na praja,
ch'a muru vasciu ognunu si cci appoja.  »
( Raccolta di proverbj siciliani ridutti in canzuni )


Vuci cunzigghiati[cancia | cancia la surgenti]