...E vui durmiti ancora!

...E vui durmiti ancora! è lu titulu di 'na bedda puisìa siciliana scrivuta di Giuvanni Formisano (Catania 1879 - Sarausa 1962), cummediògrafu e pueta di lingua siciliana, e musicata di Gaetanu Emanuel Calì. La puisìa fu cumpunuta ni lu 1910 dû Formisano, mentri la prima ancisioni dû branu musicali (chiamatu mattutina, accussì si arricanusci dâ notturna, ca è sirali) è dû 1927.

Ni lu 1910 Calì si leggìu li versi di lu so' cuncitarinu, mentri ca era 'n viaggiu pir turnari di Malta unn'era pir travagghiu. La biddizza di lu testu lu fici arristari tantu ca ni la durata di lu viaggiu - 'na nuttata - ni fici subbutu lu spartitu, cugghiutu di la ispirazìuni. Pirò la virsiuni musicata arristò solu 'nu prujettu pirsunali e appi aspittari lu 1927 pir ghiesseri finarmenti 'ncisa a Firenzi, ni lu studìu fonicu Mignani, unni l'Auturi 'ncisi bona parti di li so' travagghi^[1].

Successu

Sicunnu la tradizìuni lu branu nun c'appi assai successu ni la so' prima prisintazìuni. Successi appoi 'na sira, ddoppu assai tempu dâ so' prima isicuzìuni, ô Tiatru Sangiorgi di Catania la supranu Tecla Scarano chirìu ô musicista (cà ni ddi tempi era lu dirìtturi artisticu dû tìatru) si puteva cantari 'nu pezzu ca hava cumpunutu iddu. Emanuel Calì 'un era assai cunvinciutu pir prisintari lu branu - vistu cà c'hava finutu mali pricidintimenti - ma la 'sicuzìuni dâ Scarano fu tali ca lu pubricu s'antusiasmò e si innamorau subbutu dâ canzuni. Accussì si dici ca hava nasciutu lu mitu di 'sta canzuni^[2].

Prima Guerra Munniali

'N'autru fattu lijatu ô branu succirìu ni lu fronti dâ Carnia, mentri ca c'era la Prima Guerra Munniali, n'anmomentu di pausa 'nu surdatu carusittu sicilianu pigghìau la so' chitarra e, câ luna, accumincìau a cantari la canzuni. Lu silenzìu ca aliggiau lassava sapzìu solu â mattutina. Â fini di l'esecuzìoni si sinteru 'mprovvisamenti li grida di apprezzamentu di l'ostriaci, nìmici supra lu campu, ma cumpari di emozìoni: nun arrivaru a capìrini lu senzu, ma arristaru 'ncantati dâ biddizza dâ musica. Comu pir diri ca la musica sùpira li barrera, macari ni la verra^[3].

Intìrpritaziuna

Lu primu 'nterpriti fu Emanuel Calì nû Tìaṭru Sanġiorġi. Nû 1952 fu aṛṛicantata di Michelangìulu Versu e ni li tempa recenti la cantau macari lu tìnuri aûstanu Marcellu Giordani.

'Nfini arricurdamu ca lu branu fu cantatu macari di lo show-man Fiorello, ntirpitratu dû gruppu musicali i Beans e dû cantanti Andrea Bocelli ni l'album Incanto dû 2008^[4].

Analisi dû testu

La metrica dû testu pueticu è chiuttostu semplici e iè arrispettosu dâ struttura "A-B-A-B-C-C" pir la prima e "A-D-A-D-C-C" pir la sicunna parti. Diversu è lu ritorneddu "E-F-G-F-C-C" cà arrispetta solu li dui rrimi finali.

Lu testu musicali, Andantino appassionato ni la so' prima stisura, aggiunci dui novi strofi ê paroli cû preludìu e l'antirmezzu (tutti e dui ni la scala di SI). In urigìni fu cumpunuta pir chianuforti, ma lu spartitu s'adattau pir minnulinu di Calì stissu.

Lu testu

Lu suli è già spuntatu ni lu mari

e vui bidduzza mia durmiti ancora,

l'aceddi sunnu stanchi di cantari

e affriddateddi aspettanu ccà fora,

supra 'ssu balcuneddu su' pusati

e aspettunu quann'è cca v'affacciati

Rit-Lassati stari, non durmiti chiùi,

ca 'mmenzu ad iddi dintra a 'sta vanedda

ci sugnu puru iù c'aspettu a vui

pri vidiri 'ssa facci accussi bedda

passu ccà fora tutti li nuttati

e aspettu sulu quannu v'affacciati

Li ciuri senza vui nun ponu stari

su tutti ccu li testi a pinnuluni,

ognunu d'iddi non voli sbucciari

su prima non si grapi 'ssu balcuni,

dintra lu buttuneddu su' ammucciati

e aspettunu quann'è cca v'affacciati

Rit- Lassati stari...

Noti

↑ Enciclopedia di Catania, Catania, 1987
↑ Aurelio Corona, L'anima e l'arte di Gaetano Emanuel Calì , in «Discorso commemorativo tenuto il 14/05/1968 presso il Club Stampa di Catania in occasione del 32° anniversario dalla morte», Catania 1968
↑ Ibidem
↑ Ccà s'aggrapiri 'na parentìsi nica: lu bravu liricu tuscano inzirìu 'nu branu Sicilianu intra 'nu ddiscu appiddatu "omaggio alla musica Napoletana" (umaggiu â musica Napulitana), sinza 'na ragìuni cà lu lija chî autri brani

Vuci currilati

Lijami di fora

[1] Testu e spartitu musicali supra tradizionipopolariaulos.com
[2] La biografìa di Calì

[1] Enciclopedia di Catania, Catania, 1987

[2] Aurelio Corona, L'anima e l'arte di Gaetano Emanuel Calì , in «Discorso commemorativo tenuto il 14/05/1968 presso il Club Stampa di Catania in occasione del 32° anniversario dalla morte», Catania 1968

[3] Ibidem

[4] Ccà s'aggrapiri 'na parentìsi nica: lu bravu liricu tuscano inzirìu 'nu branu Sicilianu intra 'nu ddiscu appiddatu "omaggio alla musica Napoletana" (umaggiu â musica Napulitana), sinza 'na ragìuni cà lu lija chî autri brani

[1]

[2]

[3]

[4]