Wikipedia:Comu riggistrarivi

Dâ Wikipedia, la nciclupidìa lìbbira.

Pi riggistràrivi supra Wikipedia cliccati lu liami "Riggistrati o trasiti" 'n capu dâ pàggina a manu dritta, poi nzitati un nomu utenti e scigghiti na password (aviti fàrilu dui voti p'èssiri sicuru ca nun faciti nu sbagghiu); finarmenti nzitati un ndirizzu di e-mail e cliccati "Criati un cuntu novu ". Lu ndirizzu avissi a èssiri un ndirizzu davveru, datu ca pò èssiri usatu p'arcuni sirvizzi comu arricìviri dî email d'àutri soci e puru pû recovery dûn password 'n casu di smarrimentu.

Sùbbutu quannu veni usatu lu login putiti cliccari supra lu liami "prifirenzi" ('n capu a dritta) pi grapiri la pàggina di lu vostru cuntu, pi fari p'asempiu:

  • canciari lu password
  • canciari lu email
  • spustari la barra dû menu
  • canciari la visualizzazzioni dî Ùrtimi Canciamenti
  • cunfigurari l'urata visualizzata ntê ùrtimi canciamenti

e puru cchiossai.

Putiti canciari la vostra pàggina pirsunali, chiamata Pàggina Utenti. Nun si cancia li pàggini utenti d'àutri Wikipediani, ma sulu la vostra. Siddu vuliti scrìviri a un sociu, putiti fàrilu ntra la sò pàggina "Discussioni" (ogni sociu nni havi una).

Quannu quarchidunu vi scrivi un missaggiu ntra la vostra pàggina di discussioni, vi apparisci un rittànculu giarnu câ scritta "You have a new message!" 'n capu d'ogni pàggina di Wikipedia. Cliccati stu missaggiu e vi porta a la vostra pàggina di discussioni.

Prubblemi di riggistrazzioni[cancia la surgenti]

Aviti a èssiri sicuri ca lu vostru computer accetta li cookies.