Wikipedia:Pàggina utenti

Dâ Wikipedia, la nciclupidìa lìbbira.

La Pàggina Utenti è la pàggina di cui ogni sociu riggistratu havi e ntrâ la quali pò accuminzari a parrari d'iddi stissi e dî sò ntiressi e abbilitati.

Dintra la propria pàggina, ogni sociu pò criari dî suttapàggini spicificamenti p'usari comu sandbox o comu na pàggina di draft. Na suttapàggina utenti - comu quarsiasi suttapàggina di Wikipedia - pò èssiri criata adupirannu lu cumannu slash ("/") nzitatu doppu lu testu nurmali dâ pàggina utenti (es.: [[Utenti:Xxx/tìtulu suttapàggina]]).

La tradizzioni di Wikipedia è ca la pàggina utenti veni usata e canciata sulamenti dû sociu; li cummenti di l'àutri Wikipidiani e li discussioni circa l'artìculi ponnu èssiri agghiunciuti ntâ pàggina discussioni.

Putiti fari puru li lijami a l'àutri pàggini di discussioni di diversi lingui (p'asempiu â wikipedia taliana o ngrisi).