Vladimir Putin
Vladimir Vladimirovič Putin (Влади́мир Влади́мирович Пу́тин) (7 di uttùviru 1952) fu prisidenti dâ Fidirazzioni Russa dû 2000 ô 2008 e fu eliggiutu arreri pâ massima càrrica ntô 2012. Tra lu 2008 e lu 2012 sutta la prisidenza di Dimitri Medvedev Putin fu primu ministru.
Nasciutu a Leningradu (l'attuali San Pietruburgu), Putin, comu diriggenti dû KGB dû 1975 ô 1991, campau diversi anni n Girmania; pi chissu sapi parrari pirfettamenti tudiscu. Succissivamenti, pigghia nu postu ntô FSB (Federalnaia Služba Bezopasnosti) la nova struttura chi doppu la fini di l'Unioni Suvietica pigghiau lu postu dû KGB, nzinu ô misi d'austu dû 1999, quannu divintau primu ministru dû cuvernu di Boris Eltsin.
La sò famigghia [cancia]
Putin è maritatu cu Lyudmila, na nzignanti di lingua tudisca, e havi dui figghî, Maria e Yekaterina.
È cristianu ortodossu praticanti. Vattiatu n secretu di sò matri all'èbbica suviètica, a mmucciuni di sò patri, e â ccuminzatina dâ sò carriera ntô KGB ufficiarmenti ateu, n'èbbica adulta si cunvirtìu a la riligguni ortudossa nta li primi anni '90.
| Pridicissuri: |  Prisidenti dâ Russia |
Succissuri: |
|---|---|---|
| Boris Eltsin | 2000 - 2008 | Dimitri Medvedev |
| Pridicissuri: | Prisidenti dâ Russia |
Succissuri: |
|---|---|---|
| Dimitri Medvedev | 2012 - |
