Sant'Agatuni di Palermu
Agatuni, (Palermu?, 577 ? - Roma, 10 di jinnaru 681) fu lu primu papa sicilianu. Nasciutu di na famigghia Greca binistanti, fu probabbirmenti binidittinu dû Munasteru di S.Ermeti, e si cridi chi avìa cchiossai di 100 anni quannu fu eligghiutu papa ntô 678. Â sô morti ci succiditti Liuni II, sicilianu comu iddu.
Biografìa
[cancia | cancia la surgenti]Sant’Agatuni fu allegru e binignu. Appi tanta dottrina e prufunna carità versu li puvuredda e fici tanti miraculi, di essiri chiamatu “ taumaturgu “.
Fu dittu la cetra du Spiritu Santu e fu lu Sittantanovesimu Papa, cunsacratu u 25 jugnu du 678; durau tri anni: du 678 o 681. Secunnu a tradizioni aveva 103 anni. Lu Mpiraturi Custantinu Pugunatu ci scrissi ca vuleva riunificati Roma e Bisanziu e vuleva parrari chi viscuvi.
Lu Papa Agatuni cunvucò o Latranu un Cunciliu. I Vìscuvi dissiru ca in Cristu c’erano dui vuluntati e dui modi d’agìri e scartaru i rapprisintanti pu Cunciliu ca s’avia a fari a Custantinopuli.
Lu Patriarca Giorgiu li accugliu cu tutti i viscuvi bizantini.
La riunioni si fici, picchi lu Presidenti era lu ‘Mperaturi no na sala du so palazzu ca avia a volta a cubbula e siccomi ‘n grecu cubbula si dici trullu, u Cunciliu fu chiamatu Trullanu. Fu dittu puru Quinisestu, picchi sirviu a diri cosi ‘n più di Concilii Quintu e Sestu.
Foru accittati li dicisioni du Cunciliu di Roma e si suttumisi o Papa l’Arciviscuvu di Ravenna Tiodoru.
Si interessau da Cresia ‘Nglisi e arriciviu l’abbati di Wearmouth, Binidittu Biscop e fici assittari arreri ‘n cattidra u viscuvu Vilfridu ca era statu depostu di Tiodoru di Canterbury.
Sutta lu so Puntificatu si cilibraru n’autri dui Cuncilii: l’Anglicanu pa conferma da Fidi Ortodossa e u Toletanu dudicesimu pi alcuni affari du re da Spagna.
Muriu u 10 Jannaru du 681 e fu sippillutu na Basilica di san Petru. È Patronu sicunnariu dâ Citati di Palermu.
Liami esterni
[cancia | cancia la surgenti].svg){kind=small}
separatore
| Riliggiuni | ||
| Ateismu - Agnosticismu - Monoteismu - Politeismu - Enoteismu - Panteismu - Animismu Buddismu | Cunfucianismu | Cristianèsimu | Ebbraismu | Giainismu | Innuismu | Islam | Shintuismu | Tauismu | Zoruastrismu | ||
| Diu - testi sacri - cleru - eresia - mituluggia - lista di divinitati | ||