Sant'Alfonsu Maria de' Liguori

Dâ Wikipedia, la nciclupidìa lìbbira.
Quatru di S. Alfonsu Maria de Liguori no Museu Alfunsianu a Pagani (SA )

Alfonsu Maria De Liguori (Marianella di Napuli, 27 di sittèmmiru 1696 - Nucera di Pagani (SA) 1 di austu 1787) è un Santu Funnaturi, viniratu da Cresia Cattolica.

Biografìa[cancia | cancia la surgenti]

Nascìu da Famigha nobili dî Liguori; ebbi na formazioni giuridica e umanistica. Visitava li Cresi, li puvuredda, li malati, li carcirati. A 17 anni si lauriò no Drittu Civili e Canonicu. Vulia trasiri né Parrini di l’Uratoriu di San Fulippu Neri, ma nun lu potti fari. Fu fattu parrinu a trent’anni, no 1726. Lu viscuvu di Casteddammari di Stabia, Tummasu Falcoia, lu chiamò pi pridicari li Missioni ê poveri dî campagni. Nâ Citati di Napuli cumincia a fari apustulatu ne Quarteri chiù abbannunati cû sistema di Cappelli dâ sira, scola di educazioni civili e murali. Pi evangilizzari li poveri funna a Scala (SA)1732 la Cungrigazioni dû Santissimu Redenturi (ditti poi Redenturisti) pi pricari li Missioni ô populu, fari Catichisimu e Sarcizi Spirituali. Pi trent’anni Alfonsu ju a tanti banni, na tanti paisi, na tanti campagni pi pridicari ê poveri e all’abbannunati. No 1762 all’età di 66 anni fu fattu viscuvu di Sant’Agata dî Goti, e fici apustulatu direttu chi so scritti ca sunnu quasi un cintinaiu. A sittantanov’anni ci vinni l’artriti deformanti e a gutta. Scrissi la famusa canzunedda di Natali Tu scinni dî stiddi (Quannu nasciu lu picciriddu ). Si ritirò a Pagani, unni muriu. Fu fattu Biatu dû Papa Piu VII lu 15 di sittèmmiru 1816; Santu lu 26 di maiu 1839 dû Papa Grigoriu XVI e dichiaratu Dutturi dâ Cresia u 23 Maju 1871 du Papa Piu IX. E’ lu Patronu dî Cunfissura e dî Moralisti. La festa è lu 1 Austu.

Li Riliquii[cancia | cancia la surgenti]

Lu corpu sanu sanu è na Basilica e Casa Matri di Redenturisti a Pagani (SA).

Rifirenzi[cancia | cancia la surgenti]

Lu situ dû Vaticanu: Biografia