Regnu di Napuli
Lu Regnu di Napuli è lu nomu cu cui è canusciutu nu statu italianu, esistutu tra lu XIII e lu XIX sèculu e chi currispunnìa all'attuali riggiuni miridiunali, inclusu Abruzzu e parti dû Lazziu, ma chi escludìa la Sicilia.
Lu nomu sirvìa pi distinguìrili dû Regnu di Sicilia, funnatu dî nurmanni ntô XII sèculu, e chi ncludìa tutta l'Italia miridiunali e la Sicilia stissa. Lu mutivu chi purtau â siparazzioni tra li du' dinuminazzioni foru li vespri siciliani dû 1282 carattirizzati dû riggettu dâ duminazzioni angiuina n Sicilia, e chi purtaru câ paci di Cataviddotta dû 1302 â funnazzioni di nu regnu di Sicilia o di Trinacria nnipinnenti, sutta la prutizzioni aragunisi.
Lu Regnu di Napuli cuntinuau a essiri riggiutu dâ dinastia angiuina nzinu ô 1441 quannu Alfonsu V annittìu li tirritoria dî regni di Napuli e di chiddu di Trinacria sutta la curona d'Aragona.
