Rally Targa Florio

Dâ Wikipedia, la nciclupidìa lìbbira.
Lu chipaggiu Andreucci-Andreussi duranti lu Rally Targa Florio Cintinaru 2006

Lu Rally Targa Florio è na cumpitizzioni autumubbilistica siciliana ca avveni ogni annu, sulitamenti ntô misi di maiu, pi li strati siciliani di la Pruvincia di Palermu. La gara havi a cunzidirarisi comu la cuntinuazzioni ufficiali di l'assai antica Targa Florio, ca ntô 1978 fu trasfurmata n rally pi prubblemi di sicurezza.

Chissu purtò la gara a l'eslusiuni di lu campiunatu munniali ma l'anticu nomu ha arristatu ntattu (addivintannu rally e cumpitizzioni autumubbilistica cchiù vecchia dû munnu) e la carrera di li Madunii havi arristatu casi casi lu mitisimu di la Targa Florio tradizziunali (cu la nivitàbbili frammintazzioni di la carrera n tappi rallistichi) e l'affruinza di pùbbricu havi sempri statu granni pi la spittacularitati di l'iventu, e macari videmma pâ granni quantitati di participanti. Chiossai a la gara participanu machini sturichi, misi nti na spiciali catigurìa ca vali pi diffirenti campiunati ntirnazziunali di autu d'èbbica, e di lu 2007 videmma machini eculòggichi pi l'accussidditta "Green Prix - Targa Florio".

La gara, urganizzata di l'Automobile Club Palermo câ cullabburazzioni di àutri istituzzioni lucali (Riggiuni Siciliana, Pruvincia Riggiunali di Palermu, Cumuni di Palermu, Cumuni di Termini Imerese, Cumuni di Cefalù, etc...), havi agghicatu ntô 2009 a la 93^ edizzioni (comu carrera autumubbilistica).

La cumpitizzioni vali pi lu Campiunatu Talianu Rally, pi lu Trofeo d´Italia Rally GT, pi la Coppa Europa Rally, ultra ca pi àutri campiunati minuri di la Sicilia.

Di lu 2006 la carrera è azziccata nti l'iventi munniali di la FIA e ntô 2008 ha statu Suppoter Event pi l'IRC, lu campiunatu munniali di li machini S1600.

Arbu d'uru (di lu 1978 a lu 2009)[cancia | cancia la surgenti]

Annu Chipaggiu Machina
1978 Carello - Perissinot Lancia Stratos
1979 Vudafieri - Mannucci Fiat 131 Abarth
1980 Pasutti - Stradiotto Fiat 131 Abarth
1981 Andruet - "Tilber" Ferrari 308 GTB
1982 Tognana - De Antoni Ferrari 308 GTB
1983 Cunico - Bartolich Lancia Rally 037
1984 "Tony" - Sghedoni Lancia Rally 037
1985 Cerrato - Cerri Lancia Rally 037
1986 Cerrato - Cerri Lancia Delta S4
1987 Cerrato - Cerri Lancia Delta 4WD
1988 Zanussi - Amati BMW M3
1989 Cerrato - Cerri Lancia Delta 16V
1990 Liatti - Tedeschini Lancia Delta 16V
1991 Longhi - Carraro Lancia Delta 16V
1992 Deila - Scalvini Lancia Delta 16V
1993 Cunico - Evangelisti Ford Escort Cosworth
1994 Cunico - Evangelisti Ford Escort Cosworth
1995 Liatti - Alessandrini Subaru Impreza
1996 Cunico - Evangelisti Ford Escort Cosworth
1997 Andreucci - Fedeli Renault Megane Maxi
1998 Travaglia - Zanella Peugeot 306 Maxi
1999 Cunico - Pirollo Subaru Impreza WRC
2000 Longhi - Baggio Toyota Corolla WRC
2001 Vita - Mari Peugeot 306 Maxi
2002 Riolo - Marin Peugeot 306 Kit
2003 Andreucci - Andreussi Fiat Punto S1600
2004 Andreucci - Andreussi Fiat Punto S1600
2005 Riolo - Marin Renault Clio
2006 Andreucci - Andreussi Fiat Grande Punto S2000
2007 Andreucci - Andreussi Mitsubishi Lancer Evo IX
2008 Rossetti - Chiarcossi Peugeot 207 S2000
2009 Rossetti - Chiarcossi Grande Punto Abarth
2010 Riolo - Canova Citroën Xsara WRC

Lijami nterni[cancia | cancia la surgenti]

Lijami di fora[cancia | cancia la surgenti]


Sport
| Catigurìa:Sport | Sport di squatra | Sport nnividuali |