Pitti Pittè

Pitti pittè o Bacchitincé è na filastroccula ca si fa chê picciriddi nichi, tinuti supra ê jammi. A ogni versu lu picciriddu è fattu annacari annarreri e attorna acchianatu. Â fini dâ filastroccula si usa faricci n'attugghiata ntâ panzaredda pi fàrilu ridiri.

La filastroccula è diffunnuta nti tutta la pruvincia di Rausa e Sarausa e sa usa ancora ê jorna nostri.

Lu testu

Cu cuarchi varianti di paisi a paisi la filastroccula fa accussì

Pitti pittè (o Bacchitincé)

La luna nun c'è

E' juta ô mulinu

A purtari lu saccu chinu:

Chinu di manna,

chinu di stuppa,

Veni a chiaula

e si l'ammucca