Pruvincia di Rausa

Dâ Wikipedia, la nciclupidìa lìbbira.
Pruvincia di Rausa
Provincia di Ragusa-Stemma.png
Nomu ufficiali: Provincia Regionale di Ragusa
Riggiuni: Sicilia
Capulocu: Rausa
Superfici: 1.614 km²
Abbitanti: 308.103
Dinsità: 190 ab./km²
Cumuni: 12 – lista
Pruvincia Rausa pusizzioni.PNG

La pruvincia di Rausa è na pruvincia dâ Sicilia di 308.103 abbitanti. Havi n'aria di 1.614 km² e na dinzitati di 190 abbitanti p'ogni km². S'affaccia ntô Mari meditirràniu, e nzèmmula câ pruvincia di Sarausa, è la pruvincia cchiù miridiunali dâ Sicilia. Si cunfina chî pruvinci di Sarausa, Catania e Cartanissetta.

Li cumuna cchiù mpurtanti sunnu Rausa, Muòrica, Vittoria, lu Comisu, Scicli, lu Puzzaddu,Spaccafurnu, Acati, Ciaramunti e Giarratana.


L'econumìa[cancia | cancia la surgenti]

È la pruvincia cchiù ricca dâ Sicilia comu rèdditu pro-càpita, grazzi â sò econumìa ciurenti, chi s'ha sviluppatu rapidamenti e cuntinuamenti di l'anni 60sèculu XX.

L'econumìa dâ pruvincia di Rausa si basa suprattuttu supra l'agricultura e la pruduzzioni ntinsiva. Ntâ cità di Vittoria esisti unu dî cchiù granni mircati all'ingrossu di frutta e virdura di tutta l'Italia.

Lu turismu di massa nun è assai sviluppatu. Grazzî â classificazzioni di l'UNESCO dî cità di Rausa Ibla, Muòrica e Scicli, nu turismu aduci si sta lintamenti sviluppannu.

Curiusità[cancia | cancia la surgenti]

La pruvincia di Rausa è quarchi vota suprannuminata 'n sensu pusitivu la pruvincia babba. Una dî raggiuni è chi la mafia, binché prisenti 'n certi sittura di l'econumìa, a diffirenza di l'autri pruvinci, nun ha cunnizziunatu l'econumìa e la pruvincia ha pututu sviluppàrisi rilativamenti sana, tantu chi òccupa na pusizzioni bona tra li clàssifichi di qualità di vita dî cità dû sud di l'Italia.

La parrata rausana è n'autra curiusità lucali: li chia chie chiò chiù divèntunu ntô sicilianu lucali cià, cie, ciò, ciù.

Bandiera della Regione Sicilia Pruvincî dâ Sicilia Bandiera della Regione Sicilia
Caltanissetta | Catania | Enna | Girgenti | Missina | Palermu | Rausa | Sarausa | Tràpani