Picurinu sicilianu
Lu Picurinu sicilianu è un furmaggiu a Dinuminazzioni d'Origgini Prutetta pruduciutu sclusivamenti cu latti di pècura nnô tirritoriu sicilianu. (Pruduciutu DOP sicunnu a Regulamentu CE n. 1107/96 dâ Cummissioni dû 12 di giugnu 1996 (Gazzetta ufficiali n. L 148 dû 21/06/1996)).
Furmaggiu a pasta cumpatta janca, dû culuri e sapuri forti, pò èssiri cunsumatu ôn liveddu cchiù o menu àutu di staciunatura. Ponnu èssiri jincuti di pipi spezzi: nta stu casu lu prudottu veni sulitamenti chiamatu "picurinu pipatu".
Di forma cilìndrica, cu li facci nanticchia cuncavi, havi nu pisu variàbbili tra li 4 e li 15 kg.
[cancia] Pruduzzioni
Lu picurinu sicilianu veni prudottu unicamenti cu latti di pècura nteru, a cui veni agghiunciutu lu cagliu. Si passa poi â salatura, ripituta 2 voti doppu 10 jorna, e nfini â ncanistratura, duranti la quali ponnu èssiri agghiunciuti li grani di pipi spezzi. Lu piriodu di staciunatura è variàbbili, puru siddu lu furmaggiu veni manciatu friscu.
Veni prudottu nta tutta la Sicilia, ma suprattuttu nnî provincî di Missina, Girgenti, Caltanissetta, Enna e Trapani.
[cancia] Storia
Lu Picurinu sicilianu è un furmaggiu chi havi na pruvinenza greca antica. Già nna l'antiquitati ha statu ricanusciutu comu unu dî megghî furmaggi. Li soi carattirìstichi càncianu addipenni lu liveddu di staciunatura.
