Castrugiuvanni (EN)

Di Wikipedia, la nciclupidìa lìbbira.

Castrugiuvanni (o Enna) è na cità di circa 30.000 abbitanti situata ô centru di la Sicilia e capuluocu di la Pruvincia di Enna. Tra li capuloca italiani, Castrugiuvanni è la cità chi si trova a l'altitùdini cchiù àuta (circa 1000 metri).

[cancia] Àutri noma siciliani

Castrugiuanni, Castrianni, Castrijanni, Castriianni, Castrujanni, Castruianni

[cancia] Lu cumuni

Nta sta cità, ca si pò ragghiùnciri cu l'autustrata e cu la ferruvìa, hà statu funnata n'università, la cchiù giòvini di li quattru ca cci sunnu 'n Sicilia. Pi chistu mutivu, ora nun cc'è cchiù sulu la cità àuta, ca s'attrova di novicentu metri a l'acchianari, ma sorgi macari na secunna cità cchiù vascia, unni ci sunnu un mari di studenti di l'univirsità.

Pi ghiunta, a 10 chilòmitri cc'è puru na riserva naturali (Pegusa), unni s'attrova macari u lacu, di Pergusa appuntu, e a firriari 'ntunnu cci ficiru na pista unni ci currunu, ora quasi mai, che machini e unni cci facivunu macari formula 1. Nè sponti do lacu ci su i casi ca furunu costruiti grazi aiutu di Mussolini ca bonificò tuttu ssu tirreno ca era chinu di fanghira. U tirrenu unni su fabbricati ssi casi è a gazzani e c'è macari nna Chisa e davanti na bedda chiazza, rinnovata frisca. L'abitanti di ssa frazioni si chiamanu "Lacari".