Logucrazzìa
Na Logucrazzìa è lu cuvernu rei palori.
Addirìva di lu grecu λόγος (logos) - "palora" e ri κράτος (kratos) - "cuvirnari". Lu termini po ssiri suatu pusitivamenti, ironicamenti (ppi fari arrìrri) o nigativamenti.
Isempi storici[cancia]
Li Stati Uniti di la Merica fuorru addiscritti comu na logucrazzia nta l'opira ri Washington Irving di lu 1807 ciamataSalmagundi.
Nu turista 'n visita "Mustapha Rub-a-dub Keli Khan" ironicamenti l'addiscrivi i raccussini ca sintissi a ddiri ca cu l'usu scaltru rei palori unu po' aviri putiri supra l'autri.
Mustapha addiscrivi comu:
"sinza mancu ca sti pirsuni si n'addunanu, lu loru cuvernu jeni na pura LOGUCRAZZIA o "cuverni rei palori". L'intìra nazzioni faci ogni cosa chiei palori e nta sta manèra parissi a nazzioni cchiu militarizzata ca aisisti[...] Ogni misùra uffinziva o difinziva è misa 'n forza ri na "battagghia rei palori, e verra ri carti; chiddu ca avi a lincua cchiu lonca (...) avi cchiu pussibilitati ri vinciri (...)
L'Unioni Suvietica eni addiscritta ri lu Premiu Nobel Czesław Miłosz comu na logocrazzìa. Pa isempiu ppi Christine D. Tomei, era na "fausa rialitati criata ri semprici palori".
Inoltri, ruoppu a rivoluzzioni Luciano Pellicani addiscrivi comu nu "pianu di riforma ro lincuaggiu" avia statu antruduciutu ri Kisselev: suttiliniannu comu "a veccia mintalitati nun s'avissi pututu canciari si a struttura ra a lincua russa nun avissi statu macàri trasfurmata e purificata."
Stu prucessu purtau a nu lincuacciu simili a chiddu suvieticu ca George Orwell strummintau e ciamau "neo-lincua", ca misi i bbasi pi lu so rumanzu "[1984 (libbru) |1984]]": Lu "Newspeak" ("Lincua nova" in angrisi ca s'apprununzia "niuspicchi").
Lu novu lincuacciu era cchiu ssai n'ortuglossìa ca nu lincuacciu riali, nu dialettu stiriotipatu ca cunzistìa ri formuli e slogan sbacantati ca avieunu comu obbiettivu chiddu ri nun fari pinzari i gghienti fora ri li limiti ri lu pinzeru cullittivu zoè era na ciàccira ca addistruggìa l'individualitati.
Li Totalitarismi, sicunnu na tiòrica puliticu ciamata Hannah Arendt, ppo ssiri cunzidiratu na logucrazzìa picchi l'ideii nun sunu cchiu 'mpurtanti ma sulu comu s'asprimunu.
Taliati macari[cancia]
- Videocrazzìa - lu putìri ri l'immaggini, na muderna e mpurtanti istinzioni ra a logucrazzìa ma macari na forza ca si putissi upporri.
