Linux (nùcliu)

Dâ Wikipedia, la nciclupidìa lìbbira.
Linux

Lu kernel Linux è nu software lìbbiru distribbuiutu cu pirmissu GNU General Public License; hà statu spummintatu di Linus Torvalds ntô 1991. Nzèmmula ô sistema GNU dèsi la vita ô sistema upiraticu GNU/Linux (cu tuttu ca chisti vèni macari chiamatu simpricimenti Linux).

Lu kernel è lu "còri" di nu sistema upirativu (nùcliu) e furnisci tutti li funzioni nnispinsabbili ô sistema, 'n particulari la gistioni dâ mimoria, dê risursi dû sistema e dê piriferichi, agghiuncennuli di vòta e 'n vòta ê prucessi di esicuzzioni. La cuntruparti dû kernel è la shell, la ntirfaccia pi utenti dû sistema, la parti cchiù esterna. Li prugrammi dumannunu li risursi ô kernel tràmiti certiduni chiamati (system call) e nun pònu trasiri direttamenti nti l'hardware. Lu kernel s'òccupa quinni di gistiri lu tempu prucissuri, li cumunicazzioni e la mimoria spartennuli ê prucessi 'n cursu a secunna dê priuritàti (scheduling).

L'architittura scigghiuta di Linus Torvaldskernel (na struttura monulitica, cunzidirata di quarchidunu obsuleta 'n cunfrontu â cchiù muderna architittura a microkernel) fu la causa di na quistioni assai nciammata cu Andrew Tanenbaum ntô 1992 ntô newsgroup comp.os.minix.

Comu qualisiasi pruggettu ca fussi software lìbbiru, macari lu kernel Linux è di cuntinuu aggiurnatu e li novi release si pònu attruvari ntô situ www.kernel.org. La grannizza dû kernel criscia 'n manèra nutevuli, agghiuncennu novi moduli, novu hardware suppurtattu e accussì dicennu.

Linux è nu kernel ca pò tèniri lu multitasking e cchiù utenti. Chistu pirmetti ca diversi utenti (cu diversi privileggia) pònu fari pàrtiri ntô stissu sistema cchiossai prucessi software nzèmmula. Attuarmenti Linux pò tèniri la megghia parti di l'hardware ca c'è 'n circulazzioni pê PC e macaru nu putenti nùmmiru di archititturi (ntra chisti SPARC, PowerPC e li cchiù muderni CPU a 64 bit).

Datu ca lu còdici surgenti di Linux è dispunibbili pi tutti, è assai canciabbili, ô puntu di rènniri pussibbili, ntâ fasi di cumpilazzioni, lu rifiutu dû còdici ca nun è tantu nnispinsabbili. La flissibbilità di stu kernel lu rènni giustu a tutti ddi ticnoluggìi embedded novi e macari ntê centri di calculu distribbuiutu (cluster Beowulf) nzinu a èssiri cumprinnutu nti certiduni vidiuriggistratura diggitali e ntê telefuni cillulari.

La virsioni 2.6.16, nisciuta lu 20 di marzu 2006, hà misu lu supportu pô prucissuri Cell, lu còri dâ nova PlayStation 3Sony.


Vuci cunzigghiati[cancia | cancia la surgenti]

Liami Esterni[cancia | cancia la surgenti]