Linux

Dâ Wikipedia, la nciclupidìa lìbbira.
Lu pinzeru â basi di Tux, la mascottekernel Linux, nascìu tràmiti nu scanciu di email nti na mailing list pubbrica.

Linux è lu nomu dû kernel urigginariamenti sviluppatu di Linus Torvalds. Lu nomu Linux, cu tuttu ca è assai assumigghianti cu chiddu dû sò auturi, ci vinni dunatu di Ari Lemke, l'amministraturi ca pi primu misi dispunìbbili Linux ncapu a internet pi via FTP. Pi èssiri pricisi Linux era lu nomu dâ directory unni stavanu li files dû novu sistema upirativu. Lu nomu scigghiutu di Linus Torvalds era Freax, na mmiscata ntra "free", "freak" e "x", p'innicari megghiu ca era nu sistema UNIX-like.

Cu lu nomu "Linux" spissu si ìnnica sgarrannu lu sistema upirativu lìbbiru spurmintatu ncapu kernel Linux e sistema GNU, ca secunnu na banna dâ cumunitàti nfurmatica s'avissi pi chistu a chiamarisi "GNU/Linux".

Stòria di Linux[cancia | cancia la surgenti]

L'accuminzagghia[cancia | cancia la surgenti]

Comu si prisenta lu monitor cu Linux e Gnome nstallatu

Linux vitti luci ntô 1991 grazzi ô carusu studenti Linus Torvalds, ntô mentri lu pruggettu GNU nascìu ntô 1984 pi vulìri di Richard Stallman. Torvalds, appassiunatu di prugrammazzioni, nun era priatu dû sistema upirativu Minix (sistema upirativu Unix-like fattu pê scòli, scrivutu di Andrew Tanenbaum, prufissuri urdinariu di Sistemi di Riti a l'universitati di Amsterdam), pi chissu vòsi fari nu kernel ca avìa pi scupu l'arricriarisi e studiari comu funziunava lu sò novu computer (nu 80386), addupirannu lu sistema di pirmissu GNU.

Pô fattu ca la licenza di Minix nun pirmittìa la rivisioni dû software eccettu pi mutivi didattichi, Linus Torvalds pinzau di spurmintari lu sò kernel sanu sanu. Pi farlu addicidìu di usari la licenza GPL, pi fari n manèra ca tutti putìanu cuntribbuiri e addupirarlu libbiramenti. Linux ê primi tempi era sulu nu emulaturi di tirminali scrivutu n C e assembly, sinza appujarisi a nu sistema upirativu. L'emulaturi di tirminali facìa pàrtiri e cumannava dui thread, unu pi mannari signali â porta siriali e l'àutru pi pigghiarli, quannu appoi Linus àppi la nicissitati di lèggiri e scrivìri file nti nu discu, stu emulaturi fu fattu n manèra ca putìa criari filesystem. Alleggiu alleggiu stu prugramma si ìju trasfurmannu nti nu sanu kernel ca putìa gistiri nu sistema upirativu e Linus attaccau a pigghiari nfurmazzioni ncapu ê spicifichi POSIX, addumannannu ajutu ntô newsgroup comp.os.minix ntô pupulari missaggiu25 di austu 1991. La prima virsioni dû kernel Linux, la 0.01, vinni pubbricata nti internet lu 17 di sittèmmiru 1991 e la secunna ntô uttùviru dû stissu annu.

A Torvalds piacìa chiamari Freax lu kernel unni stava travagghiannu, ma a Ari Lemke, assistenti dâ Helsinki University of Technology ca c'avìa dunatu lu spazziu FTP pô pruggettu (ftp.funet.fi), piacìu dunari â subdirectory lu nomu altirnativu di travagghiu Linux.

Nzinu dâ virsioni 0.01 si putìa cumpilari e fari pàrtiri la shell GNU Bash: cc'era nu sistema upirativu minimali d'unni pirò putìanu accuminzari assai migghiuramenti. A l'accuminzagghia s'avìa lu bisognu di nu computer cu Minix pi cunfigurari, cumpilari e nstallari Linux (nzinu â virsioni 0.10, la 0.11 putìa vèniri cumpilata di Linux stissu), picchì addupirava lu filesystem dû sistema unni s'appujava. Prestu li sistema Linux furu megghiu di Minix comu funziunalitati, Torvalds e àutri sviluppaturi di Linux abbissanu lu sò kernel pi fallu funziunari chê cumpunenti GNU e li prugrammi user-space pi fari nu sistema upirativu cumpletu, funziunanti e lìbbiru.

"Linux is obsolete"[cancia | cancia la surgenti]

Lu 29 di jinnaru 1992 Andrew Tanenbaum, auturi di Minix, prubbabbirmenti siddiatu dû forti ntiressi a viriri Linux ntô newsgroup dû sistema upirativu scrivìu nu missaggiu cô titulu LINUX is obsolete. Ntô post Tanenbaum criticava l'architittura monulitica dû kernel Linux e la sò scarsa purtabbilitati. Torvalds c'arrispunnìu subbitaniamenti arribbattennu puntu pi puntu a Tanenbaum, sminuzziannu chiossai minix e lu sò auturi facennu na stòrica flame war ca tutt'òi si pò asciari ncapu a diversi siti web.

Linux e la riti[cancia | cancia la surgenti]

Ntâ primavera dû 1992 l'hacker Orest Zborowski arriniscìu a fari funziunari lu server X ntâ virsioni 0.13 di Linux. Pi fari stu fattu Orest àppi fari funziunari tutta la struttura dê Unix Domain Socket nnispinzàbbili a X Window i ergu nu primu liveddu socket unni vinni appoi custruiuta tutta la struttura di riti di Linux. Riarmenti tuttu avìa statu fattu n manèra tanticchiedda cunfunnusa e nun avìa statu ntigratu bonu dintra lu kernel ma Linus accittau lu stissu la patch, picchì cu chista era pussibbili putìri sia addupirari X, sia videmma addupirari sta struttura pi dutari Linux di nu stack di riti. Cuntenti dâ nuvitati lassau, doppu la virsioni 0.13, la 0.95 sinza pinzari a tutti li prubblema di sicuranza ca la riti avissi causatu. P'abbissari sta cosa ntê dui anni ca passanu dâ 0.95 â 1.0 Linus àppi a addupirari sia n'àutru nùmmaru p'innicari lu liveddu di patch sia li lèttiri di l'alfabbetu (nzinu â virsioni 0.99.15Z, 0.99 15° liveddu di patch, rivisioni Z).

La virsioni 1.0[cancia | cancia la surgenti]

Lu 14 di marzu 1994 lu 16° liveddu di patch dû kernel 0.99 addivinìu Linux 1.0. Fu lu stissu Linus Torvalds a prisintari la prima virsioni stàbbili dâ sò criazzioni nti l'Universitati di Helsinki.

Òi[cancia | cancia la surgenti]

Òi, Torvalds cuntinua a diriggiri lu sviluppu dê kernel, ntô mentri àutri banni dû sistema, comu li cumpunenti GNU, sunnu fatti spartutamenti. Lu compitu di furnìri nu sistema cumminatu, ca avìa tutti li cumpunenti di basi chê ntirfacci grafichi (comu p'asempiu GNOME o KDE, ca pê fatti sò si jèttunu ncapu a la prisenza di l'X Window System) e cô software appòicativu, veni ora svurgiutu dê distribbuzzioni. Ntô 1996 vinni scigghiutu comu logu ufficiali di Linux nu pinguinu addisignatu di Larry Ewing a cui ci vinni dunatu lu nomu di TUX, comu accurzata di Torvalds UniX. Àutri genti sustenunu ca si tratta d'accurazata di TUXedo ca ntô ngrisi significa comu "bunaca bona e crivatta" a causa dâ culurazzioni dû corpu dû pinguinu. Òi GNU/Linux arresta lu sistema upirativu prifirutu di migghiara di prugrammaturi spargiuti nti tuttu lu munnu, vèni addupiratu suprattuttu comu server nti ambienti di pruduzzioni ma urtimamenti s'hà fattu putenti macari pi ammenti desktop, purtannu a la nasciuta di distribbuzzioni cuncurrenti cu Macintosh e Microsoft. Li cchiù addupirati e distribbuiti sunnu Ubuntu, Mint, Debian e Knoppix (basati supra Debian), Red Hat, Fedora e CentOS (basati supra Fedora), Mageia, Mandriva e PCLinuxOS (basati supra Mandriva), Gentoo e Sabayon (basati supra Gentoo) e àutri cu depository propi o addirivati di Slackware comu SUSE Linux, Arch Linux, Puppy, DSL e Google Chrome OS estrimamenti liggeri e usati pi netbook o machini picca putenti.

La mpurtanza di Linux[cancia | cancia la surgenti]

GNU/Linux è lu prudottu di appassiunati nnipinnenti spurmintatu pi sèmprici sfida ntillittuali, sinza lazza cummirciali. Chissu hà fattu dui mpurtanti cunzaquenzi:

  • primisi lu risurtatu uttinutu è la cullabburazzioni di migghiara di prugrammatura spargiuti nti tuttu lu munnu (pi chistu veni vidutu comu li cchiù granni pruggettu cullabburativu dâ stòria di l'òmu, nzèmmula a lu pruggettu di Wikipedia).
  • lu secunnu carattiri mpurtanti è la "libbiralizzazzioni" dû prudottu: GNU/Linux è nu software lìbbiru ca pirmetti ê utenti di avìri a disposizzioni nu sistema upirativu cumpritamenti funziunanti sliatu dê classichi lazza cummirciali.

Lu aspettu dâ libbirtati dû prugramma metti ô centru l'utenti dunannucci la pussibbilitati di taliari e canciari li còdici surgenti, la pussibbilitati di addupirari lu software pi qualegghiè causa, la pussibilitati di arridistribbuirlu ntô furmatu urigginariu o canciatu. Lu sistema GNU/Linux è di cunzidirari transparenti e cumpritamenti cunfiguràbbili, pi chistu certiduni vòti, Microsoft Windows, darrèri nu velu di simpricitati, ammuccia lu funziunamentu lòggicu dû computer e la mpussibbilitati di uttiniri lu risurtatu ca si vulìa. Sta filosufìa pirmetti lu scanciu di nfurmazzioni ntra l'utenti e li prugrammatura e havi comu rinèscita nu prudottu ca havi megghi pristazzioni nti certiduni cosi n cunfrontu ê attuali cuncurrenti cummirciali. GNU/Linux è cchiù picca jittatu di l'àutri sistemi upirativi ê virus e n ginirali ê malware nfurmatichi pi certiduni mutivi:

  • la nfizzioni di na machina, nurmalmenti, è circuscrivuta ô singulu utenti nun cumprumetti lu sanu sistema upirativu.
  • quannu vèni discuprutu nu prubblema nti nu prudottu di software lìbbiru s'havi la patch (la curriggiuta) ntô giru di picca uri o jorna rinnènnu vacanti li pussibbilitati di nu virus di trasiri nti tali purtusu.
  • cu è ca sviluppa software malignu, ginirarmenti, va a nfittari lu megghiu nùmmiru di machini pussibbili: datu ca la spargiuta di Windows è chiossai n cunfrontu a chidda di sistemi upirativu jittati ncapu a Linux, lu malware n circulazzioni hà statu fattu pi nfittari machini Windows, ntonzi nun cumpatìbbili cu Linux (sulu raramenti li virus sunnu multichiattafurma).
  • Li utenti di Linux sunnu picca nummarusi, ma assai cchiù priparati ticnamenti o canusciunu armenu li basi di nu sistema upirativu, sunnu cuscenti di zoccu fannu e sannu li risurtati ca vonnu pigghiari.

Ê nostri jorna, csi tuttu l'hardware è cumpatìbbili cu GNU/Linux.

Cci sunu praticamenti dui suluzzioni quannu l'eseguibbili di àutri sistemi upirativi nun funziunanu: addupirari suluzzioni comu Wine oppuru jiri a firriari ntunnu ô prubblema e addupirari nu applicativu assumigghianti sviluppatu pi Linux. Nti tutti dui li casi cci ponnu èssiri pussibbilitati di falluta e svantaggi ca nun si pò fari a menu di valutari casu pi casu.

Li distribbuzzioni di Linux[cancia | cancia la surgenti]

Nun c'è na sulu virsioni di GNU/Linux, ma cci sunnu diversi distribbuzzioni ô sòlitu spurmintati di cumunitati di sviluppatura o sucitati, ca priparanu e scegghiunu li pachetta di mèttiri. Tutti li distribbuzzioni hannu n cumuni lu kernel Linux, mentri s'addiffirìsciunu pi l'accussiddittu "parcu software", zoè li pachetti priparati e/o silizziunati dê sviluppaturi pâ distribbuzzioni stissa, pô sistema di gistiuni dû software e pê sirvizzi di ajutu/manutinzioni uffruti.

Cci sunnu distribbuzzioni dirittamenti funziunanti dê CD sinza ca veni addumannata la nstallazzioni nti l'hard disk, comu Knoppix e dirivati: vènunu chiamati distribbuzzioni "live" oppuru "desktop CD".

Li principali distribbuzzioni, ultra a chiddi già avanti ammintuati, sunnu:

Curiusitati[cancia | cancia la surgenti]

Prununzia[cancia | cancia la surgenti]

Assai pirsuni nun sunnu sicuri dâ prununzia dâ palora "Linux". Cci ponnu èssiri diversi cancianti, ma veni pi norma prununziatu cu na "i" curta e ccâ prima sìlliba dura, comu nti "LIH-nucks".

Ntirfaccia Grafica[cancia | cancia la surgenti]

Ntê primi virsioni dû sistema, Linux nun avìa ntirfaccia grafica. Tuttu si facìa cû "Terminal" scrivinnu cumanni. Li ntirfacci vinniru doppu, comu "cumpunenti" nstallati ntô sistema. Li principali virsiuna di ntirfacci grafichi sugnu KDE, Gnome e Xfce. Ancòi la ntirfaccia è sulu pi lu confort i èmmula li cumanni sutta la forma grafica.

Exquisite-kfind.png Pi sapìrinni cchiossai, vidi puru la vuci Cumanni Linux.


Virsioni Embedded[cancia | cancia la surgenti]

La granni spargiuta di Linux e la sò capacitati di funziunari ntê pc a vasci pristazzioni hà nfruinzatu videmma l'alittronica. Ô jornu d'òi è pussìbbili asciari chip cumannati di nu Os Linux minimali ma cumegghiè capaci di simprificari assai la rializzazzioni di apparati rubbòtichi. N'asempiu di na distribbuzzioni Linux addupirata pi sistemi embedded è OpenWRT.

Siparaturi[cancia | cancia la surgenti]

Ntâ passata di nu sistema Windows a nu Linux, arrisurta prubbabbirmenti avidenti la diffirenza ntra li siparaturi dê directory. Nti Windows s'addopira lu carattiri backslash ("\"); nti Linux, comu videmma nti tutti li sistemi Unix (comu puru nti àutri sistemi upirativi), s'addopira lu slash ("/"). Macari lu siparaturi di pircursu ntê URL dê diversi prutucolli di riti (comu li nnirizzi internet) è custituiutu dû slash; lu mutivu è ca li riti di computer e Internet hannu nasciutu ncapu a sistemi Unix.

Software[cancia | cancia la surgenti]

Casi tutti li software dispunìbbili supra Linux sunnu lìbbiri cu licenza GNU, ergu unu poti nstallari qualegghiè software sulu scrivennu nu cumannu cû lu nomu scigghiutu ntâ ntirfaccia terminal. Asempiu, pi nstallari "Amarok", nu litturi mp3:

apt-get install amarok

(La sintassi poti canciari a sicunnu dâ virsiuni)

Lijami nterni[cancia | cancia la surgenti]

Lijami di fora[cancia | cancia la surgenti]